రాష్ట్రీయం
తెలంగాణలో తొలి వెలుగులు
S ,7 à 8 RSCA (si SASPAS) et 6 cialis pharmacie cialis rapports de stage.
పాల్వంచ, జూన్ 30: తెలంగాణ రాష్ట్రంలో తొలివెలుగులు విరజిమ్మాయి. రాష్ట్ర ఆవిర్భావం తర్వాత అంకురార్పణం జరిగిన మొదటి విద్యుత్ కేంద్రంలో ఉత్పత్తి ప్రారంభమైంది. భద్రాద్రి కొత్తగూడెం జిల్లా పాల్వంచలో రూ.5,296 కోట్ల వ్యయంతో సుమారు 1000 ఎకరాల స్థలంలో 800 మెగావాట్ల సామర్థ్యంతో నూతనంగా నిర్మించిన కేటీపీఎస్ 7వ దశలో జెన్‌కో, ట్రాన్స్‌కో సీఎండీ దేవులపల్లి ప్రభాకర్‌రావు శనివారం రాత్రి 10గంటలకు స్విచ్ ఆన్ చేసి సింక్రనైజేషన్ ప్రక్రియను లాంఛనంగా ప్రారంభించారు. కొద్దిరోజుల క్రితం బాయిలర్ పనులు విజయవంతం కావడంతో బాయిలర్‌ను.. టర్బైన్, జనరేటర్లకు అనుసంధానం చేసి సింక్రనైజేషన్ ప్రక్రియకు శ్రీకారం చుట్టారు. ఈ ప్రక్రియకు ముందు బాయిలర్ వద్ద బొగ్గును హెచ్‌ఎస్‌డీ ఆయిల్‌తో మండించి విద్యుదుత్పత్తిని ప్రారంభించారు. మొదటి రోజు సుమారు 50 మెగావాట్లు విద్యుదుత్పత్తి జరిగే విధంగా చూశారు. 2015 జనవరిలో నిర్మాణ పనులు ప్రారంభించగా జూన్ నెల నుండి నిర్మాణ పనులను వేగవంతం చేసి 41నెలల్లో 7వ దశ కర్మాగారం పనులను విజయవంతంగా పూర్తి చేశారు. ఈ కార్యక్రమంలో జెన్‌కో డైరెక్టర్లు సచ్చిదానందం, బీ లక్ష్మయ్య, రామయ్య, ఈడీ సివిల్ అజయ్, కేటీపీఎస్ సీఈలు జే సమ్మయ్య, టీఎస్‌ఎన్ మూర్తి, తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.