రాష్ట్రీయం
క్రూడాయిల్ తగ్గినా పెట్రో ధరల్లో మార్పేదీ?
S ,7 à 8 RSCA (si SASPAS) et 6 cialis pharmacie cialis rapports de stage.
కరీంనగర్, సెప్టెంబర్ 9: గతంలో అంతర్జాతీయ మార్కెట్‌లో క్రూడాయిల్ బ్యారెల్ ధర 120 డాలర్లు ఉన్నప్పుడు పెట్రోల్ రూ.68, డీజిల్ రూ.53 ఉందని, ఇప్పుడు బ్యారెల్ ధర 69.02 డాలర్లు తగ్గిందని, వాటికి అనుగుణంగా ధరలను తగ్గించకుండా అధికంగా పెట్రోల్ రూ.85.23, డీజిల్ రూ.78.39లకు ధరలు పెరిగాయని ఏఐసీసీ కార్యదర్శి శ్రీనివాసన్ కృష్ణన్ అన్నారు.
ఒకే దేశం, ఒకే ప్రజ, ఒకే పన్ను అంటూ జీఎస్టీ గురించి ఊదరగొట్టిన కేంద్ర ప్రభుత్వం పెట్రోల్, డీజిల్ ధరలను మాత్రం జీఎస్టీ పరిధిలోకి తీసురాకుండా రోజువారి ధరల మధింపు విధానం అమలు చేస్తుండడంతో వాటి ధరలు రోజురోజుకు మండిపోతున్నాయని ఆరోపించారు.
ఆదివారం సాయంత్రం కరీంనగర్‌లోని జిల్లా కాంగ్రెస్ కార్యాలయంలో ఏర్పాటు చేసిన విలేఖరుల సమావేశంలో ఆయన మాట్లాడుతూ కేవలం పెట్రోల్ కంపెనీల లాభాల కోసం మోదీ ప్రభుత్వం సహకరిస్తూ, క్రూడాయిల్ ధరలకు అనుగుణంగా పెట్రో ధరలను తగ్గించకుండా ప్రజలను దోచుకుతింటుంటే, కేంద్రంతో కోట్లాడి ధరలను నియంత్రించాల్సిన రాష్ట్ర అపద్దర్మ ముఖ్యమంత్రి కేసీఆర్ కూడా బంగారు తెలంగాణ అని నినదిస్తూనే కేంద్రంతో పోటీపడి ఇష్టారాజ్యంగా పెట్రోల్, డీజిల్‌పై పన్నులు విధించి ప్రజలను పీల్చి పిప్పి చేస్తున్నారని మండిపడ్డారు.
దేశవ్యాప్తంగా చూసుకుంటే అరుణాచల్‌ప్రదేశ్, అస్సాం, బీహరీ, ఛత్తీస్‌గడ్, ఢిల్లీ, గుజరాత్, హర్యానా, హిమాచల్‌ప్రదేశ్, జమ్మూ-కాశ్మీర్, జార్ఖండ్, కర్నాటక, మణిపూర్, మేఘాలయ, మిజోరాం, నాగాలాండ్, రాజస్థాన్, సిక్కిం, ఉత్తరాఖాండ్, ఉత్తరప్రదేశ్, పశ్చిమబెంగాల్, గోవా, త్రిపుర తదితర 22 రాష్ట్రాల కంటే ఎక్కువగా పెట్రోల్‌పై అధిక పన్ను విధిస్తున్న రాష్ట్రం తెలంగాణ అని ఆరోపించారు.
టిఆర్‌ఎస్ ప్రభుత్వం అధికారంలోకి వచ్చిన తరువాత పెట్రోల్ ధరల పెంపుపైనే ఎక్కువగా దృష్టి పెట్టిందని విమర్శించారు. కాంగ్రెస్ ప్రభుత్వ హయాంలో అంటే 2014 ఏప్రిల్ నాటికి దేశంలో డీజిల్‌పై ఎక్సైజ్ డ్యూటి రూ.3.56ఉండగా, గత నాలుగేళ్ల కాలంలో అది 380 రేట్లు పెరిగి లీటర్‌కు రూ.17.33కు చేరిందని, ఈ విషయాన్ని ఆపద్ధర్మ ముఖ్యమంత్రి కేసీఆర్ గుర్తించాలని సూచించారు. కార్లల్లో తిరిగే ధనవంతులపై దీని ప్రభావం పెద్దగా లేకపోవచ్చు, కానీ పేద, మధ్య తరగతి వర్గాలపై ఈ ధరల ప్రభావం అధికంగా ఉందని అన్నారు. పెట్రోల్, డీజీల్ అమ్మకాలను కూడా జీఎస్టీ పరిధిలోకి తేవాలని, ధరలు తగ్గించాలని కేంద్ర ప్రభుత్వాన్ని, రాష్ట్ర ప్రభుత్వ పరిధిలో పెట్రోల్ ఉత్పత్తులపై విధిస్తున్న పన్నులను తక్షణమే తగ్గించాలని డిమాండ్ చేస్తూ సోమవారం భారత్ బంద్ కార్యక్రమానికి పిలుపునిచ్చామని, ఈ బంద్‌లో అన్ని వ్యాపార, వాణిజ్య వర్గాలు పాల్గొని విజయవంతం చేయాలని శ్రీనివాసన్ కృష్ణన్ కోరారు. ఈ సమావేశంలో డీసీసీ అధ్యక్షుడు కటకం మృత్యుంజయం, మాజీ ఎంపీ పొన్నం ప్రభాకర్, మాజీ ఎమ్మెల్యే ఆరెపల్లి మోహన్, సుద్దాల దేవయ్య పాల్గొన్నారు.
చిత్రం..కరీంనగర్‌లోని జిల్లా కాంగ్రెస్ కార్యాలయంలో ఆదివారం విలేఖరుల సమావేశంలో
మాట్లాడుతున్న ఏఐసీసీ కార్యదర్శి శ్రీనివాసన్ కృష్ణన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.