రాష్ట్రీయం
అవకాశం ఇవ్వండి... రాజన్న రాజ్యం తెస్తా
S ,7 à 8 RSCA (si SASPAS) et 6 cialis pharmacie cialis rapports de stage.
రామభద్రపురం, అక్టోబర్ 21: రానున్న అసెంబ్లీ ఎన్నికల్లో ఒక్క అవకాశం కల్పిస్తే మళ్లీ రాష్ట్రంలో రాజన్న రాజ్యాన్ని స్థాపిస్తానని వైఎస్సాఆర్ కాంగ్రెస్ పార్టీ రాష్ట్ర అధ్యక్షుడు వైఎస్ జగన్మోహనరెడ్డి ప్రజలను కోరారు. ప్రజాసంకల్పయాత్రలో భాగంగా విజయనగరం జిల్లా రామభద్రపురం మండల కేంద్రంలో ఆదివారం పాదయాత్ర నిర్వహించారు. ముందుగా పారాది బ్రిడ్జి నుంచి కార్యకర్తలు, అభిమానులు జగన్‌కు భారీ స్థాయిలో స్వాగతం పలికారు. మధ్యాహ్నం విడిది అనంతరం రామభద్రపురం పురవీధుల గుండా సాగిన పాదయాత్రలో మహిళలు అధిక సంఖ్యలో పాల్గొన్నారు. వారితో కొద్దిసేపు మాట్లాడారు. రాష్ట్రాన్ని అన్ని రంగాల్లో అభివృద్ధి చేయడానికి తన శక్తివంచన లేకుండా కృషి చేస్తానన్నారు. ప్రస్తుత తెలుగుదేశం ప్రభుత్వ పాలనలో రాష్ట్రం వెనుకబడి ఉందని ఆరోపించారు. పాదయాత్రలో అప్పలరాజుపేట, గొల్లలపేట రహదారులు అధ్వాన్నంగా ఉందని గ్రామ యువకులు జగన్‌కు వినతిపత్రాన్ని అందించారు. దశాబ్ధాల కాలంగా ఈ రహదారి మరమ్మతులకు గురైన పాలకులు, అధికారులు పట్టించుకోలేదన్నారు. అలాగే జన్నివలస రహదారి కూడా అధ్వాన్నంగా తయారైందని జగన్‌కు విన్నవించారు. కొనసాగిన పాదయాత్రలో వృద్ధులు, చిన్నారులను హత్తుకున్నారు. అలాగే యువతీయువకులు జగన్‌తో సెల్ఫీ దిగడానికి పోటీపడ్డారు. పాదయాత్రలో ఒక అభిమాని ఫ్యాన్ గుర్తుతో ఉన్న సైకిల్‌తో ప్రచారం చేయడం పలువురిని ఆకట్టుకుంది. ఈ పాదయాత్రలో వైసీపీ నాయకులు, మాజీ మంత్రి బొత్స సత్యనారాయణ, వైసీపీ నాయకులు జోగి రమేష్, మజ్జి శ్రీనివాసరావు, శంబంగి వెంకట చినప్పలనాయుడు, పార్టీ నాయకులు, కార్యకర్తలు, అభిమానులు పాల్గొన్నారు.
చిత్రం..రామభద్రపురం మండల కేంద్రంలో జరిగిన ప్రజాసంకల్పయాత్రలో ప్రజలకు అబివాదం చేస్తున్న జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.