తలెత్తకు.. పని ఆపకు..
S ,7 à 8 RSCA (si SASPAS) et 6 cialis pharmacie cialis rapports de stage.
పనితో మెప్పించు. పొగరుతో కాదు -ఎంత గొప్ప మాట కదూ. అనుభవజ్ఞుల నుంచి అందే సలహాలు పొడిపొడిగా కనిపించినా లోతెక్కువ ఉంటాయని అంటారు, ఇలాంటి మాటలు చూసే. అందుకే -అక్క చెప్పిన మాటను సందర్భాను సారం గుర్తుచేసుకుంటూ ముందుకెళ్తోంది బాలీవుడ్ స్టార్ ఇసాబెల్లె కైఫ్. ముంబయిలో ఓ సంస్థ బ్రాండ్ అంబాసిడర్‌గా కార్యక్రమానికి హాజరైన ఇసాబెల్లె -పనిలో పనిగా అక్కడ తనను కలిసిన మీడియాతో ఇంటరాక్ట్ అయ్యింది. పరిశ్రమలో ఎలా మసలుకోవాలో మీ సిస్టర్ సలహాలేమైనా ఇచ్చారా? అన్న ప్రశ్నకు ఇసాబెల్లె చెప్పిన సమాధానమిదే. ‘పరిశ్రమలో పదికాలాలు రాణించాలంటే తలదించుకుని ఉండాలి. పనితో మెప్పించాలి’ అని సలహా ఇచ్చిందట. అంత గొప్ప సలహా ఇచ్చిన అక్క ఎవరో కాదు, బాలీవుడ్ స్టార్ హీరోయిన్ కత్రినా కైఫ్. కెరీర్‌ను ఆరంభించే ముందు అక్క ఇచ్చిన సలహానే ఇప్పటికీ పాటిస్తున్నట్టు చెప్పుకొచ్చింది ఇసాబెల్లె. ఇసాబెల్లె ప్రస్తుతం ‘టైం టు డాన్స్’ ప్రాజెక్టుతో బిజీగా ఉంది. ఈ ప్రాజెక్టు కోసం సూరజ్ పాంచోలితో జోడీ కట్టిన ఇసాబెల్లె -ఓ లాటిన్ బాల్‌రూం డ్యాన్సర్ పాత్రను పోషిస్తుందట. సినిమాలో స్ట్రీట్ డ్యాన్సర్ పాత్రలో కనిపించనున్న సూరజ్ -ఊహించలేనంత గొప్ప డ్యాన్సర్ అంటూ కితాబిస్తోంది. అంతేకాదు, హార్డ్‌వర్డ్‌లో అతన్ని మించినవారు లేరంటూ పొగడ్తలు సైతం గుప్పించింది. షూటింగ్‌లో ఇటు హీరో సూరజ్, అటు డైరెక్టర్ స్టాన్లీ డి’కోస్టా, ప్యాషన్‌తో పనిచేస్తున్న తోటి నటీనటులతో టైమే తెలీకుండా పోతోందని చెప్పుకొచ్చింది. అక్క ముచ్చట్లు చెబుతూ ‘కత్రినా ఫిక్చర్ జీరో కోసం నేనూ మీలాగే ఆసక్తిగా ఎదురు చూస్తున్నా. ఆనంద్ ఎల్ రాయ్ దర్శకత్వం వహిస్తున్న చిత్రంలో మరుగుజ్జు షారుక్‌తో కత్రినా సన్నివేశాలు ఎంత ఆసక్తిగా ఉంటాయోనని ఎదురు చూస్తున్నా. ఇందులో కత్రినా కొత్త అవతార్‌ని చూస్తాం’ అంటోంది ఇసాబెల్లె. భూషణ్ కుమార్, రెమో డి’సౌజాలు సహ నిర్మాతలుగా వ్యవహరిస్తున్న ‘టైమ్ టు డ్యాన్స్’ ప్రాజెక్టులో వాలుస్కా డి‘సౌజా మరో కీలక పాత్రలో కనిపించనుంది.
చిత్రం..ఇసాబెల్లే కైఫ్
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..