రాష్ట్రీయం
నేను ఓడితే రాజకీయ సన్యాసం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 9: కొడంగల్‌లో తాను ఓడిపోతే రాజకీయ సన్యాసం తీసుకుంటానని, ఒకవేళ గెలిస్తే మంత్రి కేటీఆర్ ఆ పని చేస్తారా? అని కాంగ్రెస్ వర్కింగ్ ప్రెసిడెంట్ రేవంత్‌రెడ్డి సవాల్ విసిరారు. కొడంగల్‌లో తాను ఓడిపోతున్నట్టు పరోక్షంగా కేటీఆర్ వ్యాఖ్యానించారని, ఆయన వ్యాఖ్యలను స్వీకరిస్తున్నానని, తాను ఓడిపోతే రాజకీయాల నుంచి శాశ్వతంగా తప్పుకుంటానన్నారు. మరి తనలాగా కేటీఆర్ కూడా రాజకీయ సన్యాసం తీసుకోవాలని రేవంత్‌రెడ్డి సవాల్ చేశారు. హైదరాబాద్‌లో ఆదివారం రేవంత్‌రెడ్డి మీడియాతో మాట్లాడుతూ, కొడంగల్‌లో తాను ఓడిపోతున్నట్టు కేటీఆర్ పరోక్షంగా వ్యాఖ్యానించారని, మరి గెలిస్తే తనలాగా రాజకీయాల నుంచి తప్పుకుంటారా? అని ప్రశ్నించారు. తనలాగా మాటకు కట్టుబడి ఉండకపోతే కేటీఆర్‌ది కల్వకుంట్ల వంశమేకాదని భావించాల్సి వస్తుందన్నారు. డిసెంబర్ 9వ తేదీకి తెలంగాణకు విడదీయరాని బంధం ఉందన్నారు. సోనియాగాంధీ జన్మదినం కూడా డిసెంబర్ 9వ తేదేనని, అదే రోజు తెలంగాణ రాష్ట్రాన్ని ఇస్తున్నట్టు ప్రకటించారని గుర్తుచేశారు. ఎన్ని కష్టాలు ఎదురైనా ఇచ్చిన మాటకు కట్టుబడి సోనియాగాంధీ తెలంగాణ రాష్ట్రాన్ని ఏర్పాటు చేశారన్నారు. ఈ ఎన్నికల్లో ప్రజాకూటమి విజయం సాధించబోతుందని, ఈ విజయాన్ని సోనియాగాంధీకి పుట్టిన రోజు కానుకగా ఇవ్వబోతున్నామని రేవంత్‌రెడ్డి తెలిపారు.
తెలంగాణకు కేసీఆర్ రూపంలో పట్టిన పీడ, చీడ డిసెంబర్ 11న విరగడ అయిపోతుందన్నారు. ఈ ఎన్నికల్లో లక్షలాది ఓట్లు గల్లంతయ్యాయి, టీఆర్‌ఎస్‌కు వ్యతిరేకంగా ఓటు వేస్తారనుకునే వారి ఓట్లను కుట్రపూరితంగా తొలగించారని రేవంత్ ఆరోపించారు. ఈ అంశంపై అనేకసార్లు ఎన్నికల కమిషన్‌కు ఫిర్యాదు చేసినా పట్టించుకోలేదన్నారు. చివరికి ఓటర్ల తొలగింపు పట్ల ఎన్నికల ముఖ్య అధికారి రజత్‌కుమార్ క్షమాపణ చెప్పడమంటే తమ వాదనతో ఆయన ఏకీభవించినట్టేనని రేవంత్‌రెడ్డి గుర్తు చేశారు. ఇప్పటికైనా ఓట్ల తొలగింపునకు బాధ్యులైన అధికారులపై చర్య తీసుకోవాలని రేవంత్‌రెడ్డి డిమాండ్ చేశారు.
చిత్రం..కేసీఆర్‌కు రెండుచోట్ల ఓటు ఉందంటూ పత్రాలు చూపిస్తున్న పిసిసి వర్కింగ్ ప్రెసిడెంట్ రేవంత్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.