రాష్ట్రీయం
పోలింగ్ ప్రశాంతం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: లోక్‌సభ ఎన్నికల్లో చెదురుమదురు సంఘటనలు మినహా ఎలాంటి అంచాఛనీయ ఘటనలు జరగలేదని, పోలింగ్ ప్రశాంతంగా ముగిసిందని రాష్ట్ర డీజీపీ మహేందర్‌రెడ్డి వెల్లడించారు. గురువారం పార్లమెంట్ ఎన్నికల పోలింగ్ జరిగిన తీరుపై ఆయన మీడియాతో మాట్లాడుతూ ప్రజలు స్వచ్ఛందంగా పోలింగ్‌లో పాల్గొన్నారని తెలిపారు. దీంతో ఎక్కడా గొడవలకు అవకాశం లేకుండా పోయిందన్నారు. గత అనుభవాలను దృష్టిలోపెట్టుకుని ముందస్తుగా భద్రతకు సంబంధించి గట్టి చర్యలు తీసుకున్నామన్నారు. ఉత్తర తెలంగాణ దండకారణ్యంలో మావోయిస్టుల ప్రభావాన్ని దృష్టిలో పెట్టుకుని సాయుధ బలగాలను మోహరించామన్నారు. ఉత్తర తెలంగాణలోని 13 అసెంబ్లీ నియోజక వర్గాల్లో మావోయిస్టును కట్టడి చేశామన్నారు. ఈ నియోజక వర్గాల్లో ఎన్నికల కమిషన్ త్వరగా పోలింగ్‌ను పూర్తి చేసింది. చెన్నూర్, బెల్లంపల్లి, మంచిర్యాల, కొత్తగూడెం, మంథని, భూపాలపల్లి, మహబూబాబాద్, ములుగు, పినపాక, ఇల్లెందు, అశ్వారావుపేట అసెంబ్లీ నియోజకవర్గాల పరిధిలో ఏజన్సీ గ్రామాల్లో భద్రత విస్తతం చేశామన్నారు. చత్తీస్‌గఢ్, మహారాష్ట్ర సరిహద్దుల్లోకి కేంద్ర బలగాలను తరలించినట్టు డీజీపీ స్పష్టం చేశారు. మావోయిస్టుల కదలికలున్న 13 అసెంబ్లీ నియోజక వర్గాల్లో పోలింగ్ ప్రక్రియ సాయంత్రం 4 గంటలకు ముగించారన్నారు. ఈవీఎంలను పటిష్ట భద్రతల మధ్య జిల్లా కేంద్రాలకు తరలించినట్లు ఆయన వెల్లడించారు. కౌంటింగ్ కేంద్రాల వద్ద మూడంచల వ్యవస్థతో భద్రతాఏర్పాట్లు చేశామన్నారు. ఇక నిజామాబాద్ పార్లమెంట్ ఎన్నికల్లో దాదాపు 185 మంది అభ్యర్థులు పోటీలో ఉన్నందున పోలింగ్ సాయంత్రం 6 గంటల వరకు అనుమతి ఇచ్చినట్లు ఆయన పేర్కొన్నారు. ఓటర్లు సంయమనం పాటించడంపై ఆయన సంతృప్తి వ్యక్తం చేశారు. కాగా హైదరాబాద్ పరిధిలో ఎన్నికల పోలింగ్ ప్రశాంతంగా ముగిసిందని నగర పోలీస్ కమిషనర్ అంజనీకుమార్ చెప్పారు. పాత బస్తీలోకొంత ఉద్రిక్త నెలకొన్నప్పటికీ బలగాలు మోహరించడంతో గొడవలు జరగలేదన్నారు. సైబరాబాద్ కమిషనర్ సజ్జనార్ మాట్లాడుతూ ముందస్తుగా అల్లర్లు జరిగే ప్రాంతల్లో భద్రతను పట్టిష్టం చేయడంతో పోలింగ్ ప్రశాంతంగా ముగిసిందన్నారు. గ్రామీణ ప్రాంతాల్లో సమస్యాత్మక పోలింగ్ కేంద్రాలను గుర్తించి ఆయా ప్రాంతాలకు అదనపు పోలీస్ బలగాలను తరలించామని రాచకొండ పోలీస్ కమిషనర్ మహేష్ భగవత్ తెలిపారు.
చిత్రం... టీఆర్‌ఎస్ వర్కింగ్ ప్రెసిడెంట్ కేటీఆర్ దంపతులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.