రాష్ట్రీయం
టీటీడీ చైర్మన్‌గా వైవీ ప్రమాణ స్వీకారం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జూన్ 22: కలియుగ ప్రత్యక్ష దైవమైన తిరుమల శ్రీ వేంకటేశ్వర స్వామి ఆలనా పాలనా చూసే పాలకమండలి చైర్మన్‌గా వైవీ సుబ్బారెడ్డి శనివారం ఉదయం 11.47 నిమిషాలకు గరుడాళ్వార్ సన్నిధి వద్ద బాధ్యతలు స్వీకరించారు. టీటీడీ 50వ చైర్మన్‌గా వై.వీ.సుబ్బారెడ్డిని నియమిస్తూ శుక్రవారం మధ్యాహ్నం 2 గంటలకు జీఓ విడుదలైన వెంటనే ఆయన సాయంత్రం 6 గంటలకు విమానంలో కుటుంబ సమేతంగా రేణిగుంటకు చేరుకున్నారు. అక్కడ నుంచి శ్రీవారి మెట్టు మార్గం గుండా కాలినడకన తిరుమలకు చేరుకున్నారు. శనివారం ఉదయం స్వామివారికి తలనీలాలు సమర్పించారు. 11 గంటలకు అతిథి భవనం నుండి కుటుంబ సభ్యులు, బంధువులు, శ్రేయోభిలాషులతో వైకుంఠం క్యూ కాంప్లెక్స్ చేరుకుని అక్కడ నుంచి ఆలయంలోకి ప్రవేశించారు. ఈ సందర్భంగా టీటీడీ ఈఓ ఏకే సింఘాల్, జేఈఓ శ్రీనివాస రాజు, తిరుపతి జేఈఓ లక్ష్మీకాంతం ఆయనకు స్వాగతం పలికి ఆలయంలోకి తీసుకువెళ్లారు. గరుడాళ్వార్ సన్నిధి వద్ద టీటీడీ ఈఓ ఏకె సింఘాల్ ధర్మకర్తల మండలి చైర్మన్‌గా వై.వి.సుబ్బారెడ్డి చేత ప్రమాణం చేయించారు. అనంతరం ఆయన స్వామివారిని దర్శించుకున్నారు. ఈ సందర్భంగా ఆలయ అర్చకులు స్వామివారి వైభవాన్ని, ఆభరణాల విశిష్టతను వివరించి టీటీడీ తరపున శేష వస్త్రాన్ని బహుకరించారు. అనంతరం ఆయన వకుళామాత అమ్మవారిని దర్శించుకుని సంపంగి ప్రాకారం చుట్టూ తిరిగి విమాన వేంకటేశ్వర స్వామిని దర్శించుకున్నారు. అనంతరం సబేరా, భాష్యకారుల సన్నిధి, యోగనరసింహ స్వామిని దర్శించుకున్నారు. అనంతరం హుండీలో కానుకలు సమర్పించి ధ్వజ స్థంభానికి ప్రదక్షణ చేసుకుని రంగనాయకుల మండపం చేరుకున్న వై.వి.సుబ్బారెడ్డి, ఆయన కుటుంబ సభ్యులకు వేదపండితులు వేదాశీర్వచనం పలికారు. టీటీడీ ఈఓ ఏకె సింఘాల్, జేఈఓ శ్రీనివాసరాజు, లక్ష్మీకాంతం ఆయనకు స్వామివారి తీర్థప్రసాదాలు అందజేశారు. ఇదిలావుండగా చైర్మన్ వైవీ సుబ్బారెడ్డి స్వామివారికి తులాభారం ఇచ్చి మొక్కులు తీర్చుకున్నారు. 70 కేజీల తన బరువుకలిగిన ఒక్కొక్క వస్తువును తులభారంగా ఇచ్చారు. ఇందులో పెద్దకలకండ, చిన్న కలకండ, బెల్లం, బియ్యం, నెయ్యి, నవధాన్యాలతో కలిపి మొక్కులు తీర్చుకున్నారు. కాగా చైర్మన్‌గా బాధ్యతలు స్వీకరించిన వై.వి.సుబ్బారెడ్డి ఆలయం నుంచి నేరుగా టీటీడీ అన్నప్రసాద భవనాన్ని పరిశీలించారు. ఈ సందర్భంగా అన్నప్రసాదాల నాణ్యత, రుచి, అందుతున్న సౌకర్యాల గురించి భక్తులను అడిగి తెలుసుకున్నారు. అనంతరం తన కుటుంబ సభ్యులతో కలిసి ఆయన కూడా అన్నప్రసాదం స్వీకరించారు. ఆయన వెంట రాష్ట్ర ఉపముఖ్యమంత్రి నారాయణ స్వామి, రాజ్యసభ సభ్యుడు విజయసాయి రెడ్డి, అసెంబ్లీ చీఫ్ విప్ శ్రీకాంత్ రెడ్డి, మండలి చీఫ్ విప్ డాక్టర్ ఉమ్మారెడ్డి వేంకటేశ్వర్లు, రాష్ట్ర ప్రభుత్వ సలహాదారుడు సజ్జల రామకృష్ణా రెడ్డి, తిరుపతి ఎమ్మెల్యేలు భూమన కరుణాకర్ రెడ్డి, శ్రీనివాసులు, అలాగే సినీ నిర్మాత దిల్‌రాజ్ తదితరులు పాల్గొన్నారు. కాగా టీటీడీ చైర్మన్ ప్రమాణస్వీకారానికి హాజరు కావాలని సినీనటి రమ్యశ్రీ వైకుంఠం క్యూ కాంప్లెక్స్ చేరుకున్నారు. అయితే విఐపీల జాబితాలో ఆమెపేరు లేకపోవడంతో సిబ్బంది ఆమెను నిరాకరించినట్లు సమాచారం.
చిత్రం...టీటీడీ చైర్మన్‌గా ప్రమాణ స్వీకారం చేసిన అనంతరం వైవీ సుబ్బారెడ్డికి శ్రీవారి ఫొటో, ప్రసాదాన్ని అందిస్తున్న టీటీడీ ఈఓ అనిల్‌కుమార్ సింఘాల్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.