రాష్ట్రీయం
నేడు ఇంటర్ ఫలితాలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ/కాకినాడ, ఏప్రిల్ 18: తొలిసారిగా ఇంటర్మీడియట్ ప్రథమ, ద్వితీయ సంవత్సర పరీక్ష ఫలితాలు ఒకేసారి విడుదల కాబోతున్నాయి. స్థానిక సబ్ కలెక్టర్ కార్యాలయ సమావేశ మందిరంలో మంగళవారం ఉదయం 10 గంటలకు విద్యా మంత్రి గంటా శ్రీనివాసరావు ఈ ఫలితాలను విడుదల చేయనున్నారు. దీనికి సంబంధించి పకడ్బందీ ఏర్పాట్లు చేశారు. ఈ నెల 29న ఎంసెట్-2016 నిర్వహించనున్న నేపథ్యంలో అదే రోజు సాయంత్రం ప్రిలిమినరీ కీ విడుదల చేయాలని రాష్ట్ర ఉన్నత విద్యామండలి నిర్ణయించింది. ప్రవేశ పరీక్షకు హాజరైన కొన్ని గంటల్లోనే ప్రిలిమినరీ కీ ద్వారా తమ అదృష్టాన్ని పరీక్షించుకుని, జయాపజయాలను అంచనా వేసుకునే అవకాశం విద్యార్థులకు లభిస్తుంది.
మే 9న ఇంటర్మీడియెట్ వెయిటేజీతో సహా ర్యాంక్‌లు విడుదల చేసి, మే 27న అడ్మిషన్స్ నోటిఫికేషన్ జారీ చేయనున్నట్టు ఎంసెట్-2016 కన్వీనర్ సిహెచ్ సాయిబాబు చెప్పారు. సర్ట్ఫికెట్స్ వెరిఫికేషన్ జూన్ 6న నిర్వహించి, జూన్ 9నుండి 18వ తేదీ వరకు ఆప్షన్ల కేటాయింపునకు అవకాశం కల్పించారు. జూన్ 22నుండి సీట్ల కేటాయింపు, జూన్ 27వ తేదీ నుండి తరగతులు ప్రారంభించడానికి ఉన్నత విద్యామండలి సన్నాహాలు చేస్తోంది.
సుమారు 3 లక్షల మంది విద్యార్థులు ఈ ఏడాది ఎంసెట్‌కు హాజరు కానున్నట్టు సాయిబాబు పేర్కొన్నారు. ఈనెల 21నుండి 27వ తేదీ వరకు హాల్‌టిక్కెట్లను డబ్ల్యుడబ్ల్యుడబ్ల్యు.ఎపిఎంసెట్.ఒఆర్‌జి వెబ్‌సైట్ ద్వారా డౌన్‌లోడ్ చేసుకోవచ్చన్నారు. ఏప్రిల్ 29వ తేదీ ఉదయం 10నుండి మధ్యాహ్నం ఒంటిగంట వరకు ఇంజనీరింగ్, మధ్యాహ్నం 2.30నుండి సాయంత్రం 5.30 గంటల వరకు అగ్రికల్చర్, మెడిసిన్ ప్రవేశ పరీక్ష నిర్వహిస్తామని డాక్టర్ సాయిబాబా వివరించారు.
27న పాలిసెట్.. మే 9న ఫలితాలు
రాష్టవ్య్రాప్తంగా ప్రభుత్వ, ప్రైవేటు పాలిటెక్నిక్ కళాశాలల్లోని 80 వేల సీట్ల భర్తీ కోసం ఈ నెల 27న పాలిసెట్ నిర్వహించబోతున్నామని రాష్ట్ర సాంకేతిక విద్యాశాఖ కమిషనర్ బి ఉదయలక్ష్మి వెల్లడించారు. పరీక్ష నిర్వహణకు 333 కేంద్రాలను ఏర్పాటు చేశామని, లక్షా 38వేల మంది అభ్యర్థులు హాజరుకానున్నారని తెలిపారు. మే 9న ఫలితాలు ప్రకటిస్తామన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.