రాష్ట్రీయం
ఏపీలో పెట్రో కెమికల్ కాంప్లెక్స్
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, జూన్ 4: కెజి బేసిన్ పరిధిలో రూ.30వేల కోట్ల పెట్టుబడితో కొత్తగా పెట్రో కెమికల్ కాంప్లెక్స్‌ను ఏర్పాటుచేస్తున్నట్టు కేంద్ర పెట్రోలియం శాఖ మంత్రి ధర్మేంద్ర ప్రధాన్ తెలిపారు. ఎన్‌డియే రెండేళ్ల పాలన నేపథ్యంలో బిజెపి చేపట్టిన పథకాలను ప్రజలకు వివరించేందుకు కేంద్ర మంత్రులు చేపట్టిన పర్యటనలో భాగంగా తూర్పు గోదావరి జిల్లా రాజమహేంద్రవరం వచ్చిన మంత్రి ధరేంద్ర ప్రధాన్ శనివారం విలేఖరుల సమావేశంలో మాట్లాడారు. కెజి బేసిన్ కార్యాలయాన్ని రాజమహేంద్రవరానికి తరలించే అంశాన్ని పరిశీలిస్తున్నామన్నారు. విశాఖలో హెచ్‌పిసిఎల్ పెట్రో కాంప్లెక్సును రూ.20వేల కోట్లతో విస్తరిస్తున్నామని చెప్పారు. 8.3 మిలియన్ మెట్రిక్ టన్నుల సామర్థ్యం కలిగిన ఈ కాంప్లెక్సును 15 మిలియన్ మెట్రిక్ టన్నుల సామర్థ్యానికి విస్తరిస్తున్నామని మంత్రి తెలిపారు. రూ.30 వేల కోట్లతో కొత్తగా పెట్రో కాంప్లెక్సును ఏర్పాటుచేస్తున్నామని, స్థల పరిశీలన జరుగుతోందన్నారు. కాకినాడలో ఎల్‌ఎన్‌జి ప్లాంటు 2019 లోగా పూర్తిచేయనున్నట్టు తెలిపారు. కెజి బేసిన్‌లో ఒఎన్జీసీ లక్ష కోట్లకు పైగా పెట్టుబడులు పెడుతోందని చెప్పారు. మరో లక్ష కోట్లకు పైబడి వివిధ సంస్థలు పెట్టుబడులు పెట్టేందుకు ముందుకు వచ్చాయన్నారు. మచిలీపట్నం నుండి విశాఖ వరకూ ఆ ప్రాంతం ఆయిల్ కేపిటల్‌గా రూపాంతరం చెందనుందని, ఈ ప్రాంతంలో పెట్రో ఎకనమిక్ జోన్ ఏర్పాటుచేస్తున్నామన్నారు. విభజన అనంతరం రాష్ట్రానికి రెండు ప్రధాన సమస్యలు వచ్చాయని, అందులో ఒకటి పెట్రో యూనివర్సిటీ కాగా, మరొకటి పెట్రో కాంప్లెక్సు అని మంత్రి వివరించారు. పెట్రో యూనివర్సిటీని విశాఖ ఆంధ్రా యూనివర్సిటీలో వచ్చే విద్యాసంవత్సరం నుండి తరగతులు ప్రారంభిస్తున్నామని, ఇందులో
ప్రవేశానికి ఖరగ్‌పూర్‌లోని ఐఐటి ప్రవేశపరీక్ష నిర్వహించనున్నట్టు తెలిపారు. కెజి బేసిన్ అపార నిక్షేపాల గనిగా ఉందని, అయితే అత్యంత సంక్లిష్టమైన ఈ భూగర్భంలో 480 డిగ్రీల ఉష్ణోగ్రతలో నిక్షేపాలను వెలికితీస్తున్నట్టు మంత్రి చెప్పారు. కెజి బేసిన్ ఆయిల్ కేపిటల్‌గా వివిధ పెట్రో పరిశ్రమలకు వౌలికపరంగా విస్తరిస్తోందన్నారు. పెట్రోలు, డీజిల్ ధరల పెంపు మార్కెట్ విధానాలపై ఆధారపడి ఉంటాయని, తగ్గించేందుకు ప్రభుత్వాలు చర్యలు తీసుకుంటాయని చెప్పారు. అంతకుముందు ఒఎన్జీసీ బేస్ కాంప్లెక్సులో కెజి బేసిన్ కార్యకలాపాలపై మంత్రి సమీక్షించారు. స్థానికంగా ఉన్న ఓ హోటల్‌లో వివిధ రంగాలకు చెందిన ప్రముఖులు, మేధావులతో ప్రత్యేక సమావేశాన్ని నిర్వహించి మోదీ రెండేళ్ల పాలనపై ప్రజాభిప్రాయాలను సేకరిస్తున్నామన్నారు. మంత్రి ధర్మేంద్ర ప్రధాన్ వెంట కేంద్ర పారిశుద్ధ్యం, తాగునీరు శాఖ సహాయ మంత్రి రామ్‌కృపాల్ యాదవ్, బిజెపి కిసాన్ మోర్చ జాతీయ అధ్యక్షుడు విజయ్‌పాల్‌సింగ్ తోమర్, రాజమహేంద్రవరం ఎంపి మాగంటి మురళీమోహన్, మాజీ ఎంపి కావూరి సాంబశివరావు, ఎపి బిజెపి అధ్యక్షుడు కంభంపాటి హరిబాబు, రాష్ట్ర మంత్రి పైడికొండల మాణిక్యాలరావు, ఎమ్మెల్సీ సోము వీర్రాజు, రాజమహేంద్రవరం అర్బన్ ఎమ్మెల్యే డాక్టర్ ఆకుల సత్యనారాయణ తదితరులున్నారు.
చిత్రం రాజమహేంద్రవరంలో శనివారం జరిగిన విలేకరుల సమావేశంలో మాట్లాడుతున్న కేంద్ర పెట్రోలియం శాఖ మంత్రి ధర్మేంద్రప్రధాన్. చిత్రంలో కేంద్ర సహాయ మంత్రి రామ్‌కృపాల్ యాదవ్ తదితరులున్నారు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.