రాష్ట్రీయం
ఖమ్మం జిల్లాను ముంచెత్తుతున్న వర్షం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, జూన్ 30: ఖమ్మం జిల్లాను వర్షం ముంచెత్తుతోంది. గత మూడు రోజులుగా ఎడతెరిపి లేకుండా కురుస్తున్న వర్షం శుక్రవారం కూడా కొనసాగింది. జిల్లాలోని చెరువు, వాగులు పొంగి ప్రవహిస్తున్నాయి. ఖమ్మం జిల్లాలో ఉన్న ప్రధాన ప్రాజెక్ట్‌ల్లోకి నీరు వచ్చి చేరింది. కినె్నరసాని రిజర్వాయర్ నీటిమట్టం పూర్తిస్థాయికి చేరుకోవటంతో గేట్లను ఎత్తి నీళ్ళను వదులుతున్నారు. అశ్వారావుపేట మండలంలోని పెద్దవాగు ప్రాజెక్ట్ 3గేట్లు గత రెండు రోజులుగా తెరిచి ఉన్నాయి. వీటికి తోడుగా ఛత్తీస్‌గఢ్ రాష్ట్రంలో కూడా భారీ వర్షాలు కురుస్తుండటంతో తాలిపేరు ప్రాజెక్ట్ నిండింది. దీంతో ఆ ప్రాజెక్ట్‌కు ఉన్న 26గేట్లను ఎత్తి గోదావరిలో నీటిని వదులుతున్నారు. వర్షాల తాకిడికి అశ్వారావుపేట మండలంలోని పది గ్రామాలకు, గుండాల మండలంలోని 18గ్రామాలకు రాకపోకలు నిలిచిపోయాయి. ఖమ్మం జిల్లాకు సరిహద్దులో పశ్చిమ గోదావరి జిల్లాలోని కుక్కునూరు, వేలేరుపాడు మండలాలకు ఖమ్మం జిల్లాతో సంబంధాలు తెగిపోయాయి. వేలేరుపాడు మండలం పూర్తి జలదిగ్భంధనంలో చిక్కుకున్నది. జిల్లాలోని పాలవాగు, మసివాగు, బుగ్గవాగు, అగ్గివాగులు పొంగి ప్రవహిస్తున్నాయి. ఎటు వైపు చూసినా నీరు నిండిపోయి ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.