రాష్ట్రీయం
టాస్క్ఫోర్స్ పోలీసులపై ఎర్రకూలీల రాళ్ల దాడి
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జూలై 21: తిరుపతి సమీపంలోని శేషాచల అడవుల్లో గురువారం తెల్లవారుజామున కూంబింగ్ చేస్తున్న టాస్క్ఫోర్స్ పోలీసులపై ఎర్రకూలీలు రాళ్లతో దాడికి తెగబడ్డారు. ఈ సంఘటనలో కానిస్టేబుల్ దిలీప్‌కుమార్ గాయపడ్డాడు. దీంతో పోలీసులు రెండు రౌండ్లు గాలిలోకి కాల్పులు జరిపారు. పలువురు కూలీలు పారిపోగా ఇద్దరు కూలీలు పట్టుబడ్డారు. శేషాచలం అడవుల్లోని పుట్టగద్ద సమీపంలో టాస్క్ఫోర్స్ పోలీసులు కూంబింగ్ నిర్వహిస్తుండగా 20 మంది ఎర్రకూలీలు పోలీసులకు తారసపడ్డారు. పోలీసులను చూసిన ఎర్రకూలీలు ఒక్కసారిగా రాళ్లతో దాడికి దిగారు. లొంగిపొమ్మని హెచ్చరించినా కూలీలు ఏమాత్రం భయపడకుండా రాళ్లవర్షం కురిపించారు. ఈ సంఘటనలో దిలీప్‌కుమార్ అనే కానిస్టేబుల్‌కు తీవ్ర గాయాలయ్యాయి. వెంటనే ఆయనను తిరుపతిలోని రుయా ఆసుపత్రికి తరలించారు. అదే సమయంలో గాలిలోకి 2 రౌండ్లు కాల్పులు జరిపారు. ఎక్కడ చంపేస్తారోనని భయపడ్డ కూలీలు పలాయన బాట పట్టారు. దీంతో పోలీసులు వారిని వెంటాడారు. కూలీలు ఒక్కొక్కరు ఒక్కో దిక్కుకు పరుగులు తీశారు. అయినప్పటికీ పోలీసులు పట్టువిడవకుండా కూలీల వెంటపడి ఇద్దరు కూలీలను పట్టుకున్నారు. పారిపోయిన కూలీల కోసం కూంబింగ్‌ను మరింత ముమ్మరం చేశారు. పట్టుబడ్డ కూలీలపై కేసు నమోదు చేశారు. గాయపడ్డ దిలీప్‌కుమార్ రుయాలో కోలుకుంటున్నాడు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.