రాష్ట్రీయం
తెలుగు రాష్ట్రాల సిఎస్‌ల పదవీకాలం పొడిగింపు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 24: ఆంధ్రప్రదేశ్, తెలంగాణ ప్రభుత్వ ప్రధాన కార్యదర్శులుగా వ్యవహరిస్తున్న సత్యప్రకాష్ టక్కర్, రాజీవ్ శర్మ మరో మూడు నెలలపాటు అదే పదవుల్లో కొనసాగనున్నారు. ఈ మేరకు రెండు రాష్ట్ర ప్రభుత్వాలు చేసిన విజ్ఞప్తిపై కేంద్రం సానుకూలంగా స్పందించింది. టక్కర్, రాజీవ్ శర్మ పదవీకాలం ముగుస్తున్న నేపథ్యంలో రెండు రాష్ట్రాల ముఖ్యమంత్రులు చంద్రబాబు, కెసిఆర్‌లు ప్రధాన కార్యదర్శుల సర్వీసులను మరో మూడు నెలలు పొడిగించాలని కోరుతూ కేంద్ర ప్రభుత్వానికి లేఖలు రాశారు. ఈ లేఖలపై స్పందించిన కేంద్రం వారి పదవీకాలం పొడిగించేందుకు సూత్రప్రాయంగా అంగీకారం తెలిపినట్లు సమాచారం. మరో రెండు మూడు రోజుల్లో అధికారికంగా ఉత్తర్వులు జారీ అయ్యే అవకాశం ఉంది.
సింగపూర్‌లో 5వ ప్రపంచ తెలుగు సాహితీ సదస్సు
విశాఖపట్నం, ఆగస్టు 24: నవంబర్ 5 నుంచి రెండు రోజులపాటు 5వ ప్రపంచ తెలుగు సాహితీ సదస్సు నిర్వహిస్తున్నట్టు లోక్‌నాయక్ ఫౌండేషన్ వ్యవస్థాపక అధ్యక్షుడు డాక్టర్ యార్లగడ్డ లక్ష్మీప్రసాద్ తెలిపారు. విశాఖలో శనివారం విలేఖరుల సమావేశంలో ఆయన మాట్లాడుతూ లోక్‌నాయక్ ఫౌండేషన్, వంగూరి ఫౌండేషన్ ఆఫ్ అమెరికా, సింగపూర్ తెలుగు సమాజం, మలేషియా తెలుగు సంఘం ఉమ్మడిగా ఈ వేడుకలు నిర్వహించనున్నట్టు తెలిపారు. సింగపూర్, మలేషియా, థాయ్‌లాండ్, మయన్మార్, సౌత్ ఆఫ్రికా దేశాలతోపాటు ప్రపంచం నలుమూలల నుంచి తెలుగు సాహితీవేత్తలు, రచయితలు ఈ సదస్సుకు హాజరవుతున్నట్టు తెలిపారు. తెలుగు భాష, సాహిత్యాభివృద్ధికి ఈ సదస్సులు దోహదం చేస్తాయన్నారు. ఆయా దేశాల రచయితలు, సాహితీవేత్తలతో ముఖ పరిచయానికి ఇది వేదికకానుందన్నారు. తెలుగు సాహితీ సదస్సులో పాల్గొనే రచయితలు, సాహితీవేత్తలకు రవాణా, వసతి సదుపాయం నిర్వహణ సంస్థలు కల్పిస్తాయన్నారు. వంగూరి ఫౌండేషన్ చైర్మన్ వంగూరి చిట్టిరాజు మాట్లాడుతూ తొలి రెండు ప్రపంచ తెలుగు సాహితీ సదస్సులను అమెరికాలో నిర్వహించగా, మూడు ప్రపంచ సదస్సును అమెరికాలోను, నాలుగో సదస్సును లండన్‌లోను నిర్వహించామన్నారు. 5వ సదస్సును సింగపూర్‌లో నిర్వహించాలని నిర్ణయించామన్నారు. తెలుగు భాష, సాహిత్యం అభివృద్ధికి తమ సంస్థ విశేషంగా కృషి చేస్తోందన్నారు. ఇప్పటివరకూ 63 రచనలను తాము పుస్తకాలుగా ముద్రించినట్టు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.