లండన్, జూలై 22: ‘క్రికెట్ మక్కా’గా పిలిచే లార్డ్స్ మైదానంలో, మహిళల ప్రపంచ కప్ చాంపియన్‌షిప్ టైటిల్‌ను గెల్చుకోవడమే లక్ష్యంగా భారత జట్టు బరిలోకి దిగుతున్నది. ఆదివారం ఇంగ్లాండ్‌తో జరిగే ఈ తుది పోరాటంలో మిథాలీ రాజ్ నాయకత్వంలోని భారత్ గెలిస్తే, సరికొత్త చరిత్రను సృష్టిస్తుంది. 2005లో జరిగిన వరల్డ్ కప్‌లో భారత మహిళలు తొలిసారి ఫైనల్ చేరారు.

లండన్: ప్రపంచ కప్ చాంపియన్‌షిప్ ఫైనల్‌లో ఇంగ్లాండ్‌ను ఢీకొనేందుకు శనివారం ముమ్మరంగా ప్రాక్టీస్ చేసిన భారత మహిళల క్రికెట్ జట్టుకు ‘స్పెషల్ బౌలర్’గా అర్జున్ తెండూల్కర్ నెట్స్‌లో బౌలింగ్ చేశాడు. భారత బ్యాటింగ్ దిగ్గజం సచిన్ తెండూల్కర్ కుమారుడు అర్జున్ లండన్‌లో ప్రత్యేక శిక్షణ పొందుతున్నాడు. అయితే, సచిన్ మాదిరి అతను బ్యాటింగ్‌లో కాకుండా బౌలింగ్‌పై ఆసక్తి చూపుతూ, ఆ విభాగంలోనే ఎదుగుతున్నాడు.

సిడ్నీ, జూలై 22: ఆస్ట్రేలియా టెన్నిస్ స్టార్ పీటర్ దూహన్ మృతి చెందాడు. 1987 వింబుల్డన్‌లో బోరిస్ బెకర్‌ను ఓడించి సంచలనం సృష్టించిన 56 ఏళ్ల దూహన్ అనారోగ్యంతో ఆసుపత్రిలో చికిత్స పొందుతూ మరణించాడని టెన్నిస్ ఆస్ట్రేలియా ఒక ప్రకటనలో తెలిపింది. ‘బెకర్ రెకర్’ (బెకర్‌ను చిత్తుచేసిన వాడు) అని పేరు తెచ్చుకున్న దూహన్ తన కెరీర్‌లో అత్యుత్తమంగా 43వ ర్యాంక్ వరకూ చేరాడు. ఐదు టైటిళ్లు గెల్చుకున్నాడు.

ఆనాహెమ్ (అమెరికా), జూలై 22: కామనె్వల్త్ గేమ్స్ చాంపియన్ పారుపల్లి కశ్యప్, హెచ్‌ఎస్ ప్రణయ్ ఇక్కడ జరుగుతున్న యుఎస్ ఓపెన్ గ్రాండ్ ప్రీ గోల్డ్ బాడ్మింటన్ టోర్నమెంట్ పురుషుల సింగిల్స్‌లో సెమీస్ చేరారు. తన సహచరుడు సమీర్ వర్మతో జరిగిన క్వార్టర్ ఫైనల్‌లో కశ్యప్ 21-13, 21-16 తేడాతో విజయం సాధించాడు. ఈ మ్యాచ్ కేవలం 40 నిమిషాల్లో ముగిసింది.