కరాచీ, నవంబర్ 19: భారత్‌లో జరిగే జూనియర్ హాకీ ప్రపంచ కప్ చాంపియన్‌షిప్‌లో పాకిస్తాన్ పాల్గొనడంపై నెలకొన్న ఉత్కంఠకు తెరపడింది. డిసెంబర్ 8 నుంచి 18వ తేదీ వరకు జరిగే ఈ టోర్నీలో పాల్గొనేందుకు జూనియర్ హాకీ జట్టుకు పాక్ సర్కారు గ్రీన్ సిగ్నల్ ఇచ్చింది. భారత్, పాక్ దేశాల మధ్య నెలకొన్న ఉద్రిక్త పరిస్థితులు, సరిహద్దులో కమ్ముకుంటున్న యుద్ధ మేఘాల నేపథ్యంలో అన్ని రకాల ద్వైపాక్షిక సంబంధాలకు తెరపడింది.

విశాఖపట్నం (స్పోర్ట్స్), నవంబర్ 18: ఇంగ్లాండ్‌తో జరుగుతున్న రెండో టెస్టు మ్యాచ్ మొదటి రోజు చటేశ్వర్ పుజారా, కెప్టెన్ విరాట్ కోహ్లీ శతకాలతో కదంతొక్కడంతో ఆధిపత్యాన్ని కనబరచి, ఆట ముగిసే సమయానికి నాలుగు వికెట్లకు 317 పరుగులు సాధించి పటిష్టమైన స్థితిలో నిలిచిన టీమిండియా రెండో రోజు తడబాటుకు గురై, అదే స్థాయిలో రాణించలేకపోయింది. మరో 138 పరుగులు జోడించి, మిగతా ఆరు వికెట్లు కోల్పోయింది.

విశాఖపట్నం: ఇంగ్లాండ్ జట్టులో హైక్వాలిటీ స్పిన్నర్లు ఉన్నారని ఆ జట్టు అసిస్టెంట్ కోచ్ పాల్ ఫార్బ్రెస్ అన్నాడు. ప్రస్తుతం జట్టు ఒత్తిడిలో ఉందని, వికెట్లు త్వరగా కోల్పోవడం వంటి ఇబ్బందికర పరిస్థితులను ఎదుర్కొంట్నుట్టు తెలిపాడు. ఇటువంటి క్లిష్ట పరిస్థితుల్లో పాజిటివ్ దృక్పథంతో మూడో రోజు ఆటను కొనసాగించి స్కోరు పెంచడానికి ప్రయత్నిస్తామని అన్నాడు.

క్రైస్ట్‌చర్చి: మీడియం పేసర్ కొలిన్ డి గ్రాండ్‌హోమ్‌ను 30 ఏళ్ల వయసులో జాతీయ జట్టుకు మొదటిసారి ఎంపిక చేయడంపై దుమారం చెలరేగింది. దీనిని మతితప్పిన చర్యగా కివీస్ మీడియా అభివర్ణించింది. అయితే, తన ఎంపిక తప్పుకాదని గ్రాండ్‌హోమ్ నిరూపించాడు. ఆడిన మొదటి టెస్టు, మొదటి ఇన్నింగ్స్‌లో 41 పరుగులకే ఆరు వికెట్లు పడగొట్టి రికార్డు సృష్టించాడు. న్యూజిలాండ్ తరఫున ఒక డెబ్యుడెంట్‌కు ఇదే అత్యుత్తమ బౌలింగ్ విశే్లషణ.