క్రైస్ట్‌చర్చి, నవంబర్ 20: డెబ్యుడెంట్ బౌలర్ కొలిన్ డి గ్రాండ్‌హోమ్ మొదటి ఇన్నింగ్స్‌లో ఆరు, రెండో ఇన్నింగ్స్‌లో ఒకటి చొప్పున మొత్తం ఏడు వికెట్లు సాధించగా, బ్యాట్స్‌మన్ జీత్ రావల్ మొదటి ఇన్నింగ్స్‌లో 55, రెండో ఇన్నింగ్స్‌లో అజేయంగా 36 చొప్పున పరుగులు చేసి, అద్భుత ప్రతిభ కనబరచడంతో మళ్లీ ఫామ్‌లోకి వచ్చిన న్యూజిలాండ్ మొదటి టెస్టులో పాకిస్తాన్‌ను ఎనిమిది వికెట్ల తేడాతో ఓడించింది.

విజయవాడ (స్పోర్ట్స్), నవంబర్ 20: భారత్‌తో జరుగుతున్న మూడు మ్యాచ్‌ల మహిళల టి-20 సిరీస్‌ను, మరో మ్యాచ్ మిగిలి ఉండగానే వెస్టిండీస్ కైవసం చేసుకుంది. మొదటి మ్యాచ్‌లో ఓడిన హర్మన్‌మన్ ప్రీత్ కౌర్ నాయకత్వంలోని భారత్ ఆదివారం నాటి రెండో టి-20లోనూ విఫలమై, 31 పరుగుల తేడాతో పరాజయాన్ని చవిచూసింది. దీనితో సిరీస్‌ను విండీస్ సొంతం చేసుకోగా, మంగళవారం జరిగే చివరి, మూడో మ్యాచ్‌కి ఎలాంటి ప్రాధాన్యం లేకుండాపోయింది.

హైదరాబాద్, నవంబర్ 20: లోధా కమిటీ చేసిన సిఫార్సులను అమలు చేయడానికి హైదరాబాద్ క్రికెట్ సంఘం (హెచ్‌సిఎ) అంగీకరించింది. ఉప్పల్ రాజీవ్ గాంధీ ఇంటర్నేషనల్ స్టేడియంలోని సంఘ కార్యాలయంలో ఆదివారం జరిగిన ప్రత్యేక సర్వసభ్య సమావేశంలో ఏకగ్రీవ తీర్మానాన్ని ఆమోదించినట్టు గౌరవ కార్యదర్శి జాన్ మనోజ్ ఒక ప్రకటనలో తెలిపారు.

విశాఖపట్నం: ఇంగ్లాండ్ మొదటి ఇన్నింగ్స్ ముగిసిన తర్వాత రెండో ఇన్నింగ్స్ మొదలుపెట్టిన భారత్‌కు ప్రారంభంలోనే ఎదురుదెబ్బ తగిలింది. ఒక పరుగు తేడాతో ఓపెనర్లు ఇద్దరూ వెనుదిరిగారు. మురళీ విజయ్ మూడు పరుగులు చేసి స్టువర్ట్ బ్రాడ్ బౌలింగ్‌లో జో రూట్ క్యాచ్ పట్టగా అవుటయ్యాడు. లోకేష్ రాహుల్ పది పరుగులు చేసి, బ్రాడ్ బౌలింగ్‌లోనే వికెట్‌కీపర్ జానీ బెయిర్‌స్టోకు దొరికిపోయాడు.