హైదరాబాద్, మే 19: నోరి నరసింహ శాస్ర్తీ ట్రస్టు ఆధ్వర్యంలో జులై 16న గురు పురస్కారాల ప్రదానోత్సవ సభ జరుగుతుందని ట్రస్టు ఉపాధ్యక్షుడు నోరి శివసేనాని ఒక ప్రకటనలో తెలిపారు. చిక్కడపల్లిలోని శ్రీ త్యాగరాయ గానసభలో నిర్వహించే ఈ ప్రదానోత్సవ సభలో బ్రహ్మశ్రీ ఎంవిఆర్ శర్మకు వేదవ్యాస పురస్కారం, దువ్వూరి సుబ్బలక్ష్మికి జగద్గురు శ్రీ కల్యాణానంద భారతీ మాంతాచార్య పురస్కారం అందజేయబడుతుందని ఆయన వివరించారు.

హైదరాబాద్, మే 19: తెలంగాణలో ప్రైవేట్ కాలేజీలను విద్యాశాఖ సిబ్బంది మాత్రమే తనిఖీ చేయాలని, ఎలాంటి పరిస్థితుల్లోనూ యూనిఫాంలో ఉన్న పోలీసులను వెంట తీసుకెళ్లరాదని, ఈ విషయంలో సింగిల్ జడ్జి ఇచ్చిన తీర్పును అమలు చేయాలని జస్టిస్ ఎంఎస్‌కె జైశ్వాల్ ఆదేశించారు. ఈ ఏడాది ఏప్రిల్ 8న ప్రైవేట్ కాలేజీల తనిఖీలో పోలీసుల సహాయాన్ని విద్యాశాఖాధికారులు తీసుకుంటారని రాష్ట్ర ప్రభుత్వం జీవో జారీ చేసింది.

హైదరాబాద్, మే 19:‘చిదిమెకొద్ది ఎదిగనంట.. కోసెకొద్ది పూసెనంట’ అన్న గీతం ఇప్పుడు బిజెపి విషయంలో నిజమయింది. ఢిల్లీ, బిహార్ ఓటమితో డీలాపడిన కమలం ఇప్పుడు ఈశాన్య దేశంలో పాదం మోపింది. దక్షిణ భారతంలోని కర్నాటకలో పాగా వేయడానికి తీసుకున్న సమయం కంటే ఈశాన్య రాష్ట్రంలోని అసోంలో అధికారం చేజిక్కించుకునేందుకు తీసుకున్న సమయం తక్కువ. కర్నాటకలో అధికారంలోకి వచ్చేందుకు 15 సంవత్సరాలు పట్టింది.

న్యూఢిల్లీ,మే 19: ఈశాన్య రాష్ట్రం అసోంలో భాజపా భారీ విజయం సాధించడంతో దేశవ్యాప్తంగా ఆ పార్టీ శ్రేణులు సంబరాలు చేసుకొన్నాయి. ఐదు రాష్ట్రాల ఎన్నికలలో పెద్దగా నమ్మకం పెట్టుకోని బిజెపి అసోంలో విజయం సాధించడంతో ఢిల్లీ అశోక్ రోడ్డులోని పార్టీ కేంద్ర కార్యాలయానికి పెద్దఎత్తున కార్యకర్తలు చేరుకొని మిఠాయిలు పంచుకొని బాణాసంచా కాల్చి, పరస్పరం అభినందనలు తెలుపుకుంటూ నృత్యాలు చేశారు.