జడ్చర్ల, మే 17: రాష్ట్ర ప్రభుత్వం రైతు సంక్షేమం కోసం చేపట్టిన పాలమూరు-రంగారెడ్డి ప్రాజెక్టు నిర్మాణం కోసం 154 ఎకరాల పొలం కాదు..గ్రామం మొత్తానైన్నా ఇచ్చేందుకు సిద్దంగా ఉన్నామని జడ్చర్ల మండల పరిధిలోని కిష్టారం గ్రామ రైతులు తెలిపారు. మంగళవారం గ్రామంలో ఎర్పాటు చేసిన గ్రామసభలో రైతులు,గ్రామస్థులు తమ అభిప్రాయాలను ఆర్‌డిఒ హన్మంత్ రెడ్డి వెలిబుచ్చారు.

మహబూబ్‌నగర్‌టౌన్, మే 17: మహబూబ్‌నగర్ మండల పరిధిలోని దోడలోనిపల్లి గ్రామంలో విషాదం చోటు చేసుకుంది. గ్రామానికి చెందిన తల్లి కొడుకులు చెరువులో మునిగి మృత్యువాత పడడంతో ఆ కుటుంబంలో తీవ్ర విషాదం నెలకొంది. వివరాల్లో వెళ్తే మంగళవారం ఉదయం దొడలోనిపల్లి గ్రామ శివారులో గల కొత్తకుంట చెరువులో బట్టలు ఉతకడానికి గీత అనే మహిళ తన ఐదేళ్ల కుమారుడు లాల, ఆమె సోదరి రేఖతో సహ బయలుదేరారు.

మక్తల్, మే 17: జిల్లాలో కరువు నివారణ చర్యలు చేపట్టడంలో టిఆర్‌ఎస్ ప్రభుత్వం ఘోరంగా విఫలమయ్యిందని టిడిపి జిల్లా అధ్యక్షుడు బక్కని నర్సింహులు ఆరోపించారు. మంగళవారం మండల కేంద్రంలోని ఆర్‌అండ్‌బి అతిథి గృహంలో ఏర్పాటు చేసిన విలేఖరుల సమావేశంలో ఆయన మాట్లాడుతూ రైతులకు పంటరుణాలు మాఫీ చేయడంలో ఈప్రభుత్వం అనేక ఇబ్బందులకు గురిచేస్తుందని అన్నారు. పంట రుణాలు మాఫీచేసి కొత్తరుణాలు ఇవ్వాలని డిమాండ్ చేశారు.

కల్వకుర్తి,మే 17: వెల్దండ మండల కేంద్రంలోని అర్టీసి బస్టాండ్ సమీపంలో వాహానాల తనిఖీ నిర్వహిస్తుండగా అంతర్ జిల్లా దొంగల ముఠాను అరెస్టు చేసి రిమాండ్ తరలించిన్నట్లు షాద్‌నగర్ ఎఎస్పీ కల్మేశ్వర్ సిగెనవర్ తెలిపారు.