జుకోవ్‌స్కీ (రష్యా), జూలై 23: నాలుగో తరానికి చెందిన అత్యాధునిక మిగ్-35 యుద్ధ విమానాలను భారత్‌కు అమ్మేందుకు రష్యా ఎదురు చూస్తోంది. ఈ విమానాల కొనుగోలుకు భారత్ ఆసక్తి చూపుతోందని, ఈ విషయంలో భారత్ అవసరాలు ఏమిటో తెలుసుకునేందుకు చర్చలు సాగుతున్నాయని మిగ్ కార్పొరేషన్ డైరెక్టర్ జనరల్ ఇల్యా తరసెంకో వెల్లడించారు.

వాషింగ్టన్, జూలై 22: డోక్లామ్‌లో సైనిక ప్రతిష్ఠంభన విషయమై నెలకొన్న ఉద్రిక్తతలను తగ్గించుకునేందుకు భారత్, చైనా నేరుగా చర్చలు జరపాలని అమెరికా సూచించింది. టిబెట్ దక్షిణాదిలోని ఈ వివాదాస్పద ప్రాంతంలో రోడ్డును నిర్మిస్తున్న చైనా సైనిక బలగాలను భారత దళాలు అడ్డుకోవడంతో గత నెల రోజుల నుంచి ఇరు పక్షాల మధ్య ప్రతిష్ఠంభన కొనసాగుతున్న విషయం తెలిసిందే.

వాషింగ్టన్, జూలై 20: పాకిస్తాన్‌కు అందించే సహాయానికి సంబంధించి కఠినమైన షరతులు అమలుచేయాలని అమెరికా కాంగ్రెస్ ప్యానెల్ స్పష్టం చేసింది. ఉగ్రవాద గ్రూపులకు వ్యతిరేకంగా పటిష్టమైన చర్యలను తీసుకోవడంలో పాకిస్తాన్ విఫలమైతే ఆర్థిక సహాయాన్ని నిలిపివేసే అధికారాన్ని విదేశాంగ మంత్రికి అప్పగించింది. ఇందుకు సంబంధించిన తీర్మానాన్ని సభ వినిమయ కమిటీ మూజువాణి ఓటుతో ఆమోదించింది.

న్యూఢిల్లీ, జూలై 19: సిక్కిం సెక్టార్‌లో భారత సైన్యంతో ఏర్పడిన ప్రతిష్టంభన నేపథ్యంలో యుద్ధానికి దిగేందుకు చైనా సైన్యం పెద్దఎత్తున ఏర్పాట్లు చేస్తున్నట్లు వార్తలొస్తున్నాయి. సిక్కిం సెక్టార్‌కు దక్షిణ ప్రాంతంలోని కున్యున్ పర్వత ప్రాంతానికి చైనా వేల టన్నుల యుద్ధ సామాగ్రిని తరలించినట్లు తెలుస్తోంది.