ఇస్లామాబాద్, జూలై 28: పనామా గేట్ కేసులో పాక్ ప్రధాని నవాజ్ షరీఫ్‌కు శుక్రవారం ఆ దేశ అత్యున్నత న్యాయస్థానంలో గట్టి ఎదురుదెబ్బ తగిలింది. నవాజ్ షరీఫ్ ప్రధాని పదవిలో కొనసాగడానికి అనర్హుడిగా ప్రకటించిన న్యాయస్థానం, పనామా గేట్ కుంభకోణంలో విచారణ కోసం ఆయన కేసును అవినీతి వ్యతిరేక కోర్టుకు పంపించాలని కూడా ఆదేశించింది.

ఇస్లామాబాద్, జూలై 27: పాకిస్తాన్ ప్రధాని నవాజ్ షరీఫ్, ఆయన కుటుంబ సభ్యుల అవినీతి, మనీలాండరింగ్‌కు సంబంధించి పనామా పత్రాలు చేసిన ఆరోపణల కేసులో సుప్రీంకోర్టు తన తీర్పును ఆగస్టు 15లోపు ప్రకటించే అవకాశాలు కనిపించడం లేదు. రాబోయే రెండు వారాలకు సంబంధించి కోర్టు గురువారం కేసుల రోస్టర్‌ను ప్రకటించడంతో ఈ అంశం స్పష్టమైంది.

కాందహార్, జూలై 26: అఫ్గానిస్థాన్‌లోని కాందహార్ రాష్ట్రంలో ఉన్న మిలిటరీ బేస్‌పై తాలిబన్లు మంగళవారం రాత్రి జరిపిన మెరుపుదాడిలో కనీసం 26 మంది అఫ్గాన్ సైనికులు మృతిచెందగా, మరో 13 మంది గాయపడినట్లు రక్షణ మంత్రిత్వ శాఖ బుధవారం తెలిపింది. కాందహార్ రాష్ట్రంలోని ఖాక్రెజ్ జిల్లా కర్జాలి ప్రాంతంలో ఉన్న ఆర్మీ క్యాంప్‌పై మిలిటెంట్లు దాడి చేసినట్లు రక్షణ శాఖ ప్రతినిధి జనరల్ దావ్లత్ వాజిరి చెప్పారు.

లాహోర్, జూలై 24: పాకిస్తాన్‌లోని పంజాబ్ ప్రావిన్స్‌లో సిఎం కార్యాలయానికి కూతవేటు దూరంలో జరిగిన ఉగ్రవాదుల దాడిలో కనీసం 26మంది మరణించారు. పంజాబ్ ప్రావిన్స్ సిఎం షాహ్‌బాజ్ షరీఫ్ నివాసానికి కొద్దిదూరంలో సోమవారం ఉదయం టెర్రరిస్టులు ఆత్మాహుతి దాడికి పాల్పడ్డారు. పోలీసులను లక్ష్యం చేసుకుని దాడి జరిగిందని లాహోర్ పోలీస్ చీఫ్ కెప్టెన్ అమిన్ వైన్స్ తెలిపారు.