నర్సంపేట / కొత్తగూడ, సెప్టెంబర్ 25: నర్సంపేట డివిజన్ వ్యాప్తంగా గత ఐదు రోజులుగా కురుస్తున్న భారీ వర్షాలకు చెరువులు, కుంటలన్నీ నిండుకుని మత్తడులు పడుతున్నాయి. జిల్లాలోనే అతిపెద్ద చెరువు అయిన పాఖాల చెరువు గరిష్ట నీటి సామర్థ్యం 30.2 అడుగులు కాగా శనివారం రాత్రి ఎనిమిది గంటలకు చెరువు నీటి సామర్థ్యానికి చేరుకుని మత్తడి పడింది.

కరీంనగర్, సెప్టెంబర్ 25: కరీంనగర్ జిల్లాలో మూడ్నాలుగు రోజుల నుండి కనీవిని ఎరుగని రీతిలో భారీ వర్షాలు పడి వాగుల్లో వరద ఉదృతి పెరిగిందని, వరదల వల్ల ఏలాంటి ప్రాణ, ఆస్తి నష్టం జరగకుండా అన్ని చర్యలు తీసుకున్నామని రాష్ట్ర నీటి పారుదలశాఖ మంత్రి తన్నీరు హరీష్‌రావు తెలిపారు.

హైదరాబాద్, సెప్టెంబర్ 25: ఆంధ్ర రాష్ట్రంలో ఈ ఏడాది జూన్ 1వ తేదీ నుంచి సెప్టెంబర్ 25వ తేదీ వరకు సాధారణ సగటు వర్షపాతం 475.2 మి.మీకు 532.2 మి.మీ వర్షపాతం నమోదైంది. రాష్ట్రం మొత్తం మీద 13 జిల్లాలకు నాలుగు జిల్లాలో వర్షం లోటు కొనసాగుతోంది. మిగిలిన తొమ్మిది జిల్లాల్లో సాధారణం కంటే ఎక్కువ వర్షపాతం నమోదైంది. నెల్లూరు, శ్రీకాకుళం, అనంతపురం, చిత్తూరు జిల్లాల్లో వర్షం లోటు నమోదైంది.

విశాఖపట్నం (క్రైం), సెప్టెంబర్ 25: ఎంతోకాలంగా స్థానిక కేంద్ర కారాగారంలో రిమాండ్ ఖైదీగా ఉన్న మావోయిస్టు కేంద్ర కమిటీ సభ్యుడు వారణాసి సుబ్రహ్మణ్యం అలియాస్ విమల్‌పై పోలీసులు పెట్టిన కేసులు కోర్టులో వీగిపోవడంతో ఆయనను ఇక్కడి కోర్టు విడుదల చేయనున్నట్టు ఆదివారం రాత్రి విశ్వసనీయంగా తెలిసింది.