శ్రీకాకుళం, మే 13: ప్రజా సంక్షేమానికి ప్రభుత్వం కట్టుబడి ఉందని మంత్రి అచ్చెన్నాయుడు స్పష్టంచేశారు. మండువేసవిలో సైతం మంచినీటికి ఇబ్బంది లేకుండా ఈ నీటి పథకాన్ని నిర్మించినట్టు పేర్కొన్నారు. నీటిని పొదుపుగా వినియోగించుకోవాలని పిలుపునిచ్చారు. శుక్రవారం టెక్కలి ప్రజలు దాహార్తితీర్చే టెక్కలిలో సమగ్ర మంచినీటి పథకాన్నిమంత్రి ప్రారంభించారు. ఈ సందర్భంగా నిర్వహించిన బహిరంగ సభలో ఆయన మాట్లాడారు.

శ్రీకాకుళం, మే 13: పారాలీగల్ వాలంటీర్లు గ్రామస్థాయిలో చట్టాలపై అవగాహన కల్పించాలని జిల్లా ప్రధాన న్యాయమూర్తి, జిల్లా న్యాయసేవాధికార సంస్థ అధ్యక్షురాలు వి.బి నిర్మలాగీతాంబ పారాలీగల్ వలంటీర్లకు సూచించారు. శుక్రవారం మధ్యాహ్నం జిల్లా న్యాయస్థానాల ప్రాంగణంలో జిల్లా న్యాయసేవాధికార సంస్థ నిర్వహించిన నాలుగు రోజుల పారాలీగల్ వలంటీర్ల శిక్షణ ముగింపు కార్యక్రమానికి ఆమె హాజరయ్యారు.

సారవకోట, మే 13: ప్రాథమిక ఆరోగ్య కేంద్రాలల్లో పనిచేస్తున్న సిబ్బంది రోగుల పట్ల సేవాదృక్పథంతో పనిచేయాలని జిల్లా పంచాయతీ అధికారి స్థానిక మండల ప్రత్యేకాధికారి కోటేశ్వరరావు హితవుపలికారు. మండల పరిషత్ కార్యాలయంలో సమీక్షా సమావేశం నిర్వహించిన సందర్భంగా శుక్రవారం ప్రాథమిక ఆరోగ్య కేంద్రాన్ని ఆయన సందర్శించారు. రోగులకు ఉచితంగా పంపిణీ చేస్తున్న మందులను పరిశీలించి వాటి వివరాలను అడిగి తెలుసుకున్నారు.

బంటుమిల్లి, మే 13: జూన్ నెల నుండి పెన్షన్ దారులకు, వివిధ ప్రభుత్వ పథకాల లబ్ధిదారులకు బ్యాంకుల ద్వారా నగదు పంపిణీ చేయనున్నట్లు జిల్లా కలెక్టర్ బాబు.ఎ తెలిపారు. శుక్రవారం కలెక్టర్ బాబు.ఎ మండలంలోని బ్యాంకర్లు, వివిధ శాఖల అధికారులతో వీడియోకాన్ఫరెన్స్ నిర్వహించారు.