మెరిసే ట్రోఫీలు

వింబుల్డన్ పురుషులు, మహిళల విభాగాల్లో విజేతలకు ఇచ్చే వెండి ట్రోఫీలు మెరిసిపోతుంటాయి. మహిళలకు బహూకరించే పళ్లెం లాంటి ట్రోఫీని 1884లో తయారు చేశారు. దీనిని ‘వీనస్ రోజ్‌వాటర్ డిస్క్’గా పిలుస్తారు. ఈ ట్రోఫీ చుట్టుకొలత 18.75 అంగుళాలు లేదా 48 సెంటీ మీటర్లు. పురుషుల విభాగంలో చాంపియన్‌కు కప్‌ను బహూకరిస్తారు. దీని ఎత్తు 18.5 అంగుళాలు (47 సెంటీ మీటర్లు), చుట్టుకొలత 7.5 అంగుళాలు (19 సెంటీ మీటర్లు). ఈ రెండు ట్రోఫీలు ఏడాదిలో ఎక్కువ కాలం వింబుల్డన్ మ్యూజియంలో ప్రదర్శనకు ఉంటాయి. విజేతలకు నమూనా ట్రోఫీలను అందచేస్తారు.