బిజినెస్
జియో ఉచిత ఆఫర్లపై టిడిశాట్‌కు ఐడియా సెల్యులార్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 18: రిలయన్స్ జియోపై ప్రత్యర్థి సంస్థలు ఒక్కొక్కటిగా టెలికామ్ వివాదాల పరిష్కార ట్రిబ్యునల్ (టిడిశాట్)ను ఆశ్రయిస్తున్నాయి. ముకేశ్ అంబానీ నేతృత్వంలోని ఈ సంచలన టెలికామ్ సంస్థ 4జి సేవలను దేశవ్యాప్తంగా ఉచితంగానే అందిస్తున్నది తెలిసిందే. అయితే ఈ ఉచిత ఆఫర్‌ను తొలుత గత నెల డిసెంబర్ 31 వరకే ప్రకటించిన జియో.. ఆ తర్వాత ఈ ఏడాది మార్చి 31దాకా పొడిగించింది. ‘హ్యాపీ న్యూ ఇయర్ ఆఫర్’ పేరిట కొత్త కస్టమర్ల కోసం, వీరితోపాటు పాత కస్టమర్లకూ ఉచిత 4జి సేవలను మరో మూడు నెలలు ప్రకటించింది. దీనిపై ఇప్పటికే భారతీ ఎయిర్‌టెల్ టిడిశాట్‌కు వెళ్లగా, ఇప్పుడు ఐడియా సెల్యులార్ కూడా అదే దారిలో నడిచింది. 90 రోజులకు మించి జియో ఉచిత ఆఫర్‌ను కొనసాగించడానికి టెలికామ్ రెగ్యులేటర్ ట్రాయ్ అనుమతించడంపట్ల అభ్యంతరం వ్యక్తం చేస్తూ టిడిశాట్‌లో ఐడియా పిటిషన్ వేసింది. జియో ప్రమోషన్ ఆఫర్‌ను నిలిపివేయాలని అందులో కోరింది. నిరుడు సెప్టెంబర్ 4న జియో 4జి సేవలు మొదలైనది తెలిసిందే. కాగా, ఎయిర్‌టెల్ పిటిషన్‌తోపాటు, ఐడియా పిటిషన్‌లపై వచ్చే నెల ఫిబ్రవరి 1న టిడిశాట్ విచారణ జరపనుంది.
మరోవైపు జియో టారీఫ్ ప్లాన్లపై అటార్నీ జనరల్ అభిప్రాయాన్ని ట్రాయ్ కోరుతోంది. జియో ఉచిత కాల్, డేటా ఆఫర్లపై ప్రత్యర్థి సంస్థల నుంచి తీవ్ర వ్యతిరేకత వ్యక్తమవుతున్న నేపథ్యంలో ప్రభుత్వ ఉన్నత న్యాయ సలహాదారైన అటార్నీ జనరల్ సాయాన్ని తీసుకుంటోంది ట్రాయ్. జియో ఉచిత ఆఫర్లతో తమకు భారీ నష్టం వాటిల్లుతోందని, జియో తీరు మార్కెట్ నిబంధనలకు విరుద్ధంగా ఉందని ప్రత్యర్థి టెలికామ్ సంస్థలు ఆక్షేపిస్తున్నాయి. జియో ఉచిత ఆఫర్ పొడిగింపునకు ట్రాయ్ అనుమతించడాన్నీ తప్పుబడుతున్నాయి. జియో ఉచిత ఆఫర్‌తో ఎయిర్‌టెల్, ఐడియా, వొడాఫోన్ సంస్థల ఆదాయం పెద్ద ఎత్తున పడిపోగా, కస్టమర్ల సంఖ్య కూడా తగ్గిపోతోంది. జియోకు ధీటుగా కాల్స్, డేటా చార్జీలను గణనీయంగా తగ్గిస్తున్నా ఫలితం ఉండటం లేదు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.