బిజినెస్
జిడిపి తెచ్చిన ఉత్సాహం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మార్చి 1: జిడిపి గణాంకాలు అందించిన ఉత్సాహంతో దేశీయ స్టాక్ మార్కెట్లు వరుస నష్టాల నుంచి తేరుకుని లాభాల బాట పట్టాయి. బుధవారం ట్రేడింగ్‌లో బాంబే స్టాక్ ఎక్స్‌చేంజ్ సూచీ సెనె్సక్స్ 6 నెలల గరిష్ఠాన్ని తాకితే, నేషనల్ స్టాక్ ఎక్స్‌చేంజ్ సూచీ నిఫ్టీ 8,900 మార్కును అధిగమించింది. కేంద్ర గణాంకాల కార్యాలయం (సిఎస్‌ఒ) ఈ ఆర్థిక సంవత్సరం (2016-17) మూడో త్రైమాసికానికి (అక్టోబర్-డిసెంబర్)గాను జిడిపి గణాంకాలను మంగళవారం సాయంత్రం విడుదల చేసినది తెలిసిందే. 7 శాతంగా ఇవి నమోదు కావడంతో మదుపరులు పెట్టుబడులతో ముందుకొచ్చారు. రియల్టీ, మెటల్, ఎఫ్‌ఎమ్‌సిజి, బ్యాంకింగ్, హెల్త్‌కేర్ రంగాల షేర్ల కొనుగోలుకు ఆసక్తి కనబరిచారు. ఈ క్రమంలోనే సెనె్సక్స్ 241.17 పాయింట్లు పుంజుకుని 28,984.49 వద్ద ముగియగా, నిఫ్టీ 66.20 పాయింట్లు అందుకుని 8,945.80 వద్ద నిలిచింది. ప్రస్తుత ఆర్థిక సంవత్సరం దేశ జిడిపి వృద్ధిరేటు 7.1 శాతంగా నమోదు కావచ్చని కూడా సిఎస్‌ఒ అంచనా వేసినది తెలిసిందే. ఇక అంతర్జాతీయంగా చూస్తే ఆసియా మార్కెట్లలో కీలక సూచీలైన హాంకాంగ్, జపాన్, చైనా సూచీలు లాభపడగా, ఐరోపా మార్కెట్లలోనూ ప్రధాన సూచీలైన బ్రిటన్, ఫ్రాన్స్, జర్మనీ సూచీలు లాభాల్లో కదలాడాయి.
రికార్డు స్థాయికి బిఎస్‌ఇ మార్కెట్ విలువ
న్యూఢిల్లీ: మరోవైపు బుధవారం మదుపరులు కొనుగోళ్లకు పెద్దపీట వేయడంతో బాంబే స్టాక్ ఎక్స్‌చేంజ్ (బిఎస్‌ఇ)లోని సంస్థల మార్కెట్ విలువ రికార్డు స్థాయికి చేరింది. బిఎస్‌ఇ సంస్థల మార్కెట్ విలువ 118 లక్షల కోట్ల రూపాయలకుపైగా నమోదైంది. గత రెండు రోజులుగా దేశీయ స్టాక్ మార్కెట్లు నష్టాల్లోనే ముగియగా, బిఎస్‌ఇ సూచీ సెనె్సక్స్ 149.65 పాయింట్లు కోల్పోయింది. అయితే బుధవారం 241 పాయింట్లు పెరగడంతో మార్కెట్ విలువ కూడా 1,18,19,635 కోట్ల రూపాయల (1.7 ట్రిలియన్ డాలర్లు)ను తాకింది. జాతి విద్వేషాలు పెచ్చుమీరుతున్న నేపథ్యంలో అమెరికా నూతన అధ్యక్షుడు డొనాల్డ్ ట్రంప్.. వలస విధానంపై మెతక వైఖరిని ప్రదర్శించడం ఐటి షేర్లకు లాభాలను తెచ్చిపెట్టింది.
కళకళలాడిన అమెరికా మార్కెట్లు
న్యూయార్క్: ఇదిలావుంటే బుధవారం అమెరికా మార్కెట్లు లాభాలతో కళకళలాడాయి. అమెరికా సూచీలు సరికొత్త స్థాయిలను అందుకున్నాయి. డోజోన్స్ తొలిసారిగా 21 వేల స్థాయిని అధిగమించింది. ఒక శాతం వృద్ధితో 21,026.20 వద్ద స్థిరపడింది. నాస్‌డాక్ సైతం 0.8 శాతం ఎగిసి 5,871.10 వద్ద నిలిచింది. ఎస్‌అండ్‌పి 500 సూచీ 0.9 శాతం ఎగబాకి 2,383.81 స్థాయికి చేరింది. వలస విధానంపై గతంలో కనబరిచిన తన కఠిన వైఖరి విమర్శల పాలవుతుండటంతో అమెరికా కొత్త అధ్యక్షుడు డొనాల్డ్ ట్రంప్ కాస్త వెనక్కి తగ్గినట్లు కనిపించడం వల్ల మదుపరులు పెట్టుబడులతో కదం తొక్కారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.