బిజినెస్
తెలంగాణ బాండ్లకు భలే డిమాండ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 8: సెక్యూరిటీ మార్కెట్లలో తెలంగాణ రాష్ట్ర ప్రభుత్వం.. డిస్కాంల కోసం రిజర్వ్ బ్యాంక్ ఆఫ్ ఇండియా (ఆర్‌బిఐ) ద్వారా వేలం వేసిన బాండ్లకు విపరీతమైన డిమాండ్ కనిపిస్తోంది. తెలంగాణ డిస్కాంలను నష్టాల నుంచి కాపాడేందుకు రాష్ట్ర ప్రభుత్వం ఈ బాండ్లను విడుదల చేసింది. మొత్తం రూ. 8,923 కోట్ల విలువైన బాండ్లను వేలం వేయగా, రూ. 7,120 కోట్ల బాండ్లు అమ్ముడయ్యాయి. బాండ్లకు ఏ రేటింగ్ లభించింది. ఈ బాండ్లను విక్రయించగా వచ్చిన సొమ్ముతో డిస్కాంలు తీసుకున్న రుణాలను తీరుస్తారు. మొత్తం 70 శాతం విలువైన బాండ్లు అమ్ముడయ్యాయి. మిగిలిన రూ. 1,803 కోట్ల సెక్యూరిటీ బాండ్లను ఈ నెల 23వ తేదీన వేలం వేస్తారు. ఫైనాన్స్ మార్కెట్లు జోరుగా లేకపోయినా, తెలంగాణ రాష్ట్ర ప్రభుత్వం సెక్యూరిటీ బాండ్లకు విపరీతమైన క్రేజ్ ఏర్పడిందని ఆర్థిక శాఖ వర్గాలు తెలిపాయి. రాష్ట్ర రెవెన్యూ వనరులు ఇతర రాష్ట్రాలతో పోల్చితే పటిష్టంగా ఉండడం వల్ల ఆర్థిక ఏజన్సీలు కొనుగోలుకు పోటీపడ్డాయి. పెట్టుబడుల ఖర్చులో రుణం వాటా తక్కువగా ఉండడం కూడా తెలంగాణ బాండ్లకు ఆదరణ పెరిగేందుకు కారణమని ఆర్థిక శాఖ వర్గాలు విశే్లషిస్తున్నాయ. మిషన్ కాకతీయ, మిషన్ భగీరథ, ఇరిగేషన్ ప్రాజెక్టులు ఇతర అభివృద్ధి కార్యక్రమాలకు నిధుల కొరత లేకుండా బాగా ఖర్చుపెట్టడం వల్ల ఇనె్వస్టర్లు తెలంగాణ బాండ్ల కొనుగోలుకు ఆసక్తి కనపరిచారు. దేశంలో 19.2 శాతం వరకు వృద్ధిరేటును సాధించిన రాష్ట్రాల్లో తెలంగాణ ముందుంది. 2016-17లో రాష్ట్ర స్థూల దేశీయోత్పత్తి రూ. 6,70,756 కోట్లుగా ఉంది. 2015-16తో పోలిస్తే ఇది 15 శాతం ఎక్కువ. ఆర్థిక రంగంలో సేవా రంగం వాటా 63 శాతం, తయారీ రంగం వాటా 24 శాతం, వ్యవసాయం వాటా 13 శాతంగా ఉంది. రుణాలు మినహాయిస్తే రెవెన్యూ వసూళ్లు లక్ష కోట్ల రూపాయలను దాటడం కూడా తెలంగాణ ఆర్థిక పరిపుష్ఠిని విశ్వసించి బాండ్ల కొనుగోలుకు పోటీపడ్డారని ఆర్థిక శాఖ వర్గాలు తెలిపాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.