బిజినెస్
భారత ఆర్థిక వ్యవస్థ బలమైనది
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు: ప్రస్తుత అంతర్జాతీయ ఆర్థిక మందగమనం మధ్య కూడా భారతీయ ఆర్థిక వ్యవస్థలో వృద్ధి ఎక్కడికీ పోదని, ఇతర దేశాలతో పోల్చితే ఈ విషయంలో ఓ మెట్టుపైనే ఉంటామని కేంద్ర ఆర్థిక శాఖ మంత్రి అరుణ్ జైట్లీ బలమైన విశ్వాసాన్ని వ్యక్తం చేశారు. బుధవారం ఇక్కడ జరిగిన ఇనె్వస్ట్ కర్నాటక 2016 సదస్సుకు హాజరైన ఆయన మాట్లాడుతూ అంతర్జాతీయ ఆర్థిక వ్యవస్థపై తీవ్రంగా ప్రతికూల ప్రభావాన్ని చూపుతున్న కొన్ని అంశాలు భారతీయ ఆర్థిక వ్యవస్థను పాక్షికంగా ప్రభావితం చేస్తుండటం కలిసొస్తోందన్నారు. ముఖ్యంగా అంతర్జాతీయ మార్కెట్‌లో ముడి చమురు, మెటల్ కమోడిటీ ధరల పతనం భారతీయ ఎగుమతులను దెబ్బతీస్తున్నాయని, కరెన్సీ మార్కెట్‌ను ఒడిదుడుకులకు గురిచేస్తోందని, అయితే ఇతర దేశాలతో పోల్చితే ఇది తక్కువేనన్నారు. గత ఆర్థిక సంవత్సరం (2014-15)లో భారత జిడిపి వృద్ధిరేటు 7.2 శాతంగా ఉందని, ఈ ఆర్థిక సంవత్సరం (2015-16)లో ఇది 7-7.5 శాతంగా ఉండొచ్చని అన్నారు. 2001, 2008, 2015 సంవత్సరాల్లో ఏర్పడిన అంతర్జాతీయ ఆర్థిక సంక్షోభంలోనూ భారత్ నిలదొక్కుకుందని ఈ సందర్భంగా జైట్లీ గుర్తుచేశారు. కాగా, భారత్‌కున్న రుణాలు ఆమోదయోగ్య స్థాయిలోనే ఉన్నాయని, వాటివల్ల వచ్చే ప్రమాదమేమీ లేదని జైట్లీ స్పష్టం చేశారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.