బిజినెస్
మార్కెట్‌లో సంస్కరణల ఉత్సాహం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూన్ 15: దేశీయ స్టాక్ మార్కెట్లు బుధవారం భారీ లాభాలను అందుకున్నాయి. ప్రధాని నరేంద్ర మోదీ ప్రభుత్వం చేపట్టిన సంస్కరణలు మదుపరులను ఉత్సాహపరిచాయి. కేంద్ర కేబినెట్ తీసుకున్న పలు నిర్ణయాలతో మదుపరులు పెట్టుబడులతో ముందుకొచ్చారు. ఫలితంగా బాంబే స్టాక్ ఎక్స్‌చేంజ్ సూచీ సెనె్సక్స్ 330.63 పాయింట్లు పెరిగి 26,726.34 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 97.75 పాయింట్లు ఎగిసి 8,200 స్థాయికి ఎగువన 8,206.60 వద్ద నిలిచింది. నిజానికి అమెరికా ఫెడ్ రిజర్వ్ ద్రవ్యసమీక్ష, యూరోపియన్ యూనియన్ నుంచి బ్రిటన్ వైదొలగడంపై రెఫరెండమ్ మధ్య మదుపరులు పెట్టుబడుల విషయంలో ఆచితూచి వ్యవహరిస్తున్నది తెలిసిందే. ఇటీవలి మార్కెట్ ట్రేడింగ్ ఇందుకు నిదర్శనం. అయితే కొత్తగా పౌరవిమానయాన విధానం ప్రవేశపెట్టడం, ఎస్‌బిఐలో దాని అనుబంధ బ్యాంకుల విలీనాన్ని ఆమోదించడం, ప్రభుత్వరంగ సంస్థల్లో వాటాల విక్రయానికి అంగీకరించడం, నూతన ప్రాజెక్టులకు పచ్చజెండా ఊపడం వంటివి బుధవారం మార్కెట్ సెంటిమెంట్‌ను పెంచాయి. ఈ క్రమంలో బ్యాంకింగ్ షేర్లతోపాటు విమానయానరంగ షేర్లు మదుపరులను ఆకట్టుకున్నాయి. ఎస్‌బిఐ, స్టేట్ బ్యాంక్ ఆఫ్ మైసూర్, ట్రావన్‌కోర్, బికనీర్ అండ్ జైపూర్ షేర్ల విలువ 3.90 శాతం నుంచి 20 శాతం వరకు పెరిగింది. అలాగే జెట్ ఎయిర్‌వేస్, ఇంటర్‌గ్లోబ్ ఏవియేషన్, స్పైస్‌జెట్ షేర్ల విలువ కూడా 0.21 శాతం నుంచి 3.51 శాతం వరకు ఎగిసింది. క్యాపిటల్ గూడ్స్, యుటిలిటిస్, పవర్, ఐటి, ఫైనాన్స్, చమురు, గ్యాస్ రంగాల షేర్లకూ మదుపరుల కొనుగోళ్ల మద్దతు లభించింది. ఇక అంతర్జాతీయంగా ఆసియా మార్కెట్లలో చైనా, హాంకాంగ్, జపాన్, తైవాన్, సింగపూర్ సూచీలు 0.21 శాతం నుంచి 1.58 శాతం మేర లాభపడ్డాయి. దక్షిణ కొరియా సూచీ మాత్రం 0.16 శాతం నష్టపోయింది. ఐరోపా మార్కెట్లలోనూ ఫ్రాన్స్, జర్మనీ, బ్రిటన్ సూచీలు 1.10 శాతం నుంచి 1.72 శాతం వరకు పెరిగాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.