బిజినెస్
రికార్డు స్థాయిలో వేరుశనగ ఉత్పత్తి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 29: ఆంధ్ర రాష్ట్రంలో వేరుశనగ ఉత్పత్తి రికార్డు స్థాయిలో జరిగింది. మునుపెన్నడూ లేని ఉత్పత్తి సాధ్యమైంది. 2014-15లో రాష్ట్రంలో 4.93 లక్షల మెట్రిక్ టన్నుల వేరుశనగ ఉత్పత్తి కాగా, 2015-16లో 8.03 లక్షలకు పెరిగింది. అంతకుముందుతో పోల్చితే 3.10 లక్షల మెట్రిక్ టన్నుల ఉత్పత్తి అదనంగా జరిగింది. హెక్టారుకు సరాసరి 1,027 కిలోల దిగుబడితో జాతీయ స్థాయిలో రాష్ట్రం మూడో స్థానంలో నిలిచింది. 3,461 కిలోలతో తమిళనాడు మొదటి స్థానంలో, 2,415 కిలోలతో పశ్చిమ బెంగాల్ రెండోస్థానంలో ఉన్నాయి. కాగా, జిల్లాలవారీగా పరిశీలిస్తే ఖరీఫ్, రబీ కలుపుకొని హెక్టారుకు సగటు దిగుబడి 3,006 కిలోలతో కృష్ణా మొదటి స్థానం, అతి తక్కువ దిగుబడి 783 కిలోలతో అనంతపురం చివరి స్థానంలో నిలిచాయి. శ్రీకాకుళం 1,490, విజయనగరం 1,228, విశాఖపట్నం 1,569, తూర్పు గోదావరి 2,074, పశ్చిమ గోదావరి 2,354, గుంటూరు 2,655, ప్రకాశం 2,929, పొట్టిశ్రీరాములు నెల్లూరు 2,750, కర్నూలు 1,021, వైఎస్‌ఆర్ కడప 1,801, చిత్తూరు జిల్లాలో 1,280 కిలోల దిగుబడి వచ్చింది. కృష్ణా జిల్లాలో ఒక్క ఖరీఫ్‌లోనే రికార్డు స్థాయిలో 3,412 కిలోల దిగుబడి లభించడం గమనార్హం. మరోవైపు ఈ ఏడాది (2016-17) రాష్ట్రంలో వేరుశనగ సాగు విస్తీర్ణాన్ని, ఉత్పత్తిని పెంచడానికి వ్యవసాయ శాఖ ప్రణాళికలు సిద్ధం చేసింది. 2014-15లో 8.74 లక్షల హెక్టార్లలో వేరుశనగ సాగవగా, 2015-16లో 7.75 లక్షల హెక్టార్లలోనే సాగైంది. అయినా దిగుబడి గణనీయంగా పెరిగింది. ఇక ఈ 2016-17 లో సాగు విస్తీర్ణం 8.92 లక్షల హెక్టార్లు, ఉత్పత్తి 9.28 లక్షల మెట్రిక్ టన్నులు లక్ష్యంగా వ్యవసాయ శాఖ నిర్ణయించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.