బిజినెస్
ఇక ఎస్‌బిఐ ఇఎమ్‌ఐలతో ఫ్లిప్‌కార్ట్ కొనుగోళ్లు!
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 1: ఆన్‌లైన్ షాపింగ్ దిగ్గజం ఫ్లిప్‌కార్ట్‌తో ప్రభుత్వరంగ బ్యాంకింగ్ దిగ్గజం ఎస్‌బిఐ టై-అప్ అయ్యింది. దీంతో ఇక ఎస్‌బిఐ ఖాతాదారులు నెలసరి వాయిదాల్లో (ఇఎమ్‌ఐ) ఫ్లిప్‌కార్ట్ ద్వారా కన్జ్యూమర్ డ్యూరబుల్ ఉత్పత్తులను కొనుగోలు చేయవచ్చు. అయితే వ్యక్తిగత రుణ వడ్డీరేటు (14 శాతం) వర్తిస్తుంది. ‘ఇలాంటి ఓ సౌకర్యాన్ని అందుబాటులోకి తేవడం ప్రపంచంలోనే ఇదే తొలిసారి. దీనివల్ల అటు ఫ్లిప్‌కార్ట్‌కు, ఇటు ఎస్‌బిఐకి ప్రయోజనమే.’ అని టై-అప్ సందర్భంగా శుక్రవారం ఎస్‌బిఐ చైర్‌పర్సన్ అరుంధతీ భట్టాచార్య అన్నారు. ఎస్‌బిఐ డెబిట్ కార్డు ఉన్నవారూ ఈ సౌకర్యాన్ని పొందవచ్చు. కాగా, ఫ్లిప్‌కార్ట్‌లో షాపింగ్ చేస్తున్న సమయంలోనే కస్టమర్ ఇఎమ్‌ఐ ఆప్షన్‌ను ఎంచుకోవాల్సి ఉంటుంది. కొన్న వస్తువుకు ఎప్పటిలోగా డబ్బు చెల్లిస్తారనేదానిపై మూడు నెలల నుంచి ఆరు నెలలు, తొమ్మిది నెలలు, ఏడాది మధ్య గడువును నిర్ణయించుకోవాలి. దీని ఆధారంగానే ఇఎమ్‌ఐ నిర్ధారణ జరుగుతుంది. ఆ తర్వాత తొలి ఇఎమ్‌ఐ చెల్లింపు జరిగిన తర్వాత ఈ లావాదేవీ (కొనుగోలు ప్రక్రియ) ముగుస్తుంది. కాగా, 5 వేల రూపాయల కంటే ఎక్కువ విలువ కలిగిన వస్తువుల కొనుగోళ్లకే ఇఎమ్‌ఐ ఆప్షన్ వర్తిస్తుంది. ఇదిలావుంటే శుక్రవారం 61వ వ్యవస్థాపక దినోత్సవాన్ని జరుపుకుంటున్న ఎస్‌బిఐ.. ఈ సందర్భంగా ఖాతాదారులకు పలు రకాల ప్రోత్సాహకాలను, మరికొన్ని సదుపాయా లను ప్రకటించింది.
పేమెంట్స్ బ్యాంక్ కోసం..
న్యూఢిల్లీ: పేమెంట్స్ బ్యాంక్ ఏర్పాటుకు వీలుగా ముకేశ్ అంబానీ నేతృత్వంలోని రిలయన్స్ ఇండస్ట్రీస్, ఎస్‌బిఐ ఒప్పందం చేసుకున్నాయి. శుక్రవారం ఈ జాయింట్ వెంచర్ ఒప్పందంపై ఇరు సంస్థలు సంతకాలు చేశాయి. నిరుడు ఆగస్టులో రిజర్వ్ బ్యాంక్ ఆఫ్ ఇండియా (ఆర్‌బిఐ) నుంచి పేమెంట్స్ బ్యాంక్ ఏర్పాటుకు ఆమోదం అందుకున్నది తెలిసిందే. కాగా, పేమెంట్స్ బ్యాంక్ లైసెన్సులు పొందినప్పటికీ, ఆ ఆలోచనను చోళమండలం, సన్‌ఫార్మా, ఐడిఎఫ్‌సి జాయింట్ వెంచర్లు విరమించుకున్నది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.