బిజినెస్
శ్రీసిటీలో కొబెల్కో, పైలాస్ అదనపు యూనిట్లు ప్రారంభం
S ,7 à 8 RSCA (si SASPAS) et 6 cialis pharmacie cialis rapports de stage.
సత్యవేడు, జూలై 6: నెల్లూరు, చిత్తూరు జిల్లాల సరిహద్దులోని శ్రీసిటీలో జపాన్ దేశానికి చెందిన కొబెల్కో ప్లేట్ ప్రాసెసింగ్ ఇండియా లిమిటెడ్, పైలాస్ ఇండియా లిమిటెడ్ పరిశ్రమల అదనపు ఉత్పత్తి యూనిట్లకు బుధవారం ప్రారంభోత్సవం జరిగింది. కొబెల్కో కొత్త యూనిట్లను ఆ సంస్థ డైరెక్టర్ సటోరు హోషినా ప్రారంభించగా, పైలాస్ అదనపు యూనిట్‌ను ఆ సంస్థ పైలాస్ గ్రూప్ ప్రెసిడెంట్ యుకిహికోషిమాజు ప్రారంభించారు. ఈ సందర్భంగా శ్రీసిటీ ఎండి రవీంద్ర సన్నారెడ్డి మాట్లాడుతూ కొబెల్కో, పైలాస్ రెండూ కూడా శ్రీసిటీలో అడుగుపెట్టిన మొట్టమొదటి జపాన్ దేశ పరిశ్రమలని, రెండూ తమ యూనిట్లను విస్తరించడం సంతోషదాయకమన్నారు. కొబెల్కోకు సంబంధించి యేడాదిలో ఇది రెండవ యూనిట్ విస్తరణ అని తెలిపారు. ఈ పరిశ్రమలు మరింత వ్యాపారాభివృద్ధి సాధించాలని ఆకాంక్షించారు. ఈ యూనిట్ల విస్తరణ శ్రీసిటీ ఆర్థికాభివృద్ధికి కూడా దోహదపడుతుందన్నారు. రాష్ట్ర ప్రభుత్వం ఈ ప్రాంతాన్ని ఆటోమొబైల్ హబ్‌గా తీర్చిదిద్దనున్నందున ఈ తరహా పరిశ్రమల ఉత్పత్తులకు మరింత డిమాండ్ పెరుగుతుందన్నారు. జపాన్‌లోని కొబెల్కో కన్‌స్ట్రక్షన్ ఎక్యూప్‌మెంట్ కంపెనీకి అనుబంధ సంస్థ అయిన కొబెల్కో ప్లేట్ ప్రాసెసింగ్ ఇండియా లిమెటెడ్‌లో స్టీల్ ప్లేట్ల తయారీ జరుగుతుందని తెలిపారు. ఇక పైలాస్ జపాన్ గ్రూపునకు చెందిన పైలాస్ ఇండియా ఆటోమొబైల్ విడిభాగాల ఉత్పత్తిలో అగ్రగామి సంస్థ. ఇక్కడ కార్లలో వినియోగించే కూల్ స్ప్రింగ్‌లు, ప్లాట్ స్ప్రింగ్‌లు, వైర్లు, మెటల్, ప్లాస్టిక్ పాస్టనర్‌లు తయారవుతాయని చెప్పారు.
శ్రీసిటీలో జపాన్‌కు చెందిన కొబెల్కో సంస్థ ప్రతినిధులు తమ
అదనపు యూనిట్‌ను ప్రారంభిస్తున్న దృశ్యం
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.