బిజినెస్
దేశీయ స్టాక్ మార్కెట్లలోకి మరిన్ని ఇపిఎఫ్‌ఒ పెట్టుబడులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 17: దేశీయ స్టాక్ మార్కెట్లు లాభాల్లో పరుగులు పెడుతున్న నేపథ్యంలో ఉద్యోగ భవిష్య నిధి (ఇపిఎఫ్‌ఒ) పెట్టుబడులు స్టాక్ మార్కెట్లలోకి మరిన్ని వచ్చే వీలుందని కేంద్ర కార్మిక శాఖ మంత్రి బండారు దత్తాత్రేయ అన్నారు. పెట్టుబడుల కోసం ఇపిఎఫ్‌ఒ కేటాయించిన నిధుల్లో 12 శాతం వరకు స్టాక్ మార్కెట్లలోకి వచ్చే అవకాశాలున్నాయని ఆదివారం ఇక్కడ పిటిఐతో మాట్లాడుతూ ఆయన తెలిపారు. గత నెల జూన్ 30 నాటికి అటు బాంబే స్టాక్ ఎక్స్‌చేంజ్ సూచీ సెనె్సక్స్, ఇటు నేషనల్ స్టాక్ ఎక్స్‌చేంజ్ సూచీ నిఫ్టీకి చెందిన ఎక్స్‌చేంజ్ ట్రేడెడ్ ఫండ్స్ (ఇటిఎఫ్)ల్లో ఇపిఎఫ్‌ఒ పెట్టిన పెట్టుబడుల విలువ 7,468 కోట్ల రూపాయలుగా ఉన్నట్లు ఆయన చెప్పారు. ఈ పెట్టుబడులపై 7.45 శాతం లాభాలు వచ్చాయని, ఈ మొత్తం విలువ ఇప్పుడు 8,024 కోట్ల రూపాయలుగా ఉందన్నారు. కాగా, ఈ నెల 22లోగా సిబిటి సమావేశ జరగనుందని, అందులో ఇటిఎఫ్‌లలో పెట్టుబడులపై నిర్ణయం తీసుకోవచ్చన్నారు. ఇందుకు సంబంధించి బాంబే, నేషనల్ స్టాక్ ఎక్స్‌చేంజ్‌లతోనూ చర్చలు జరుపుతున్నట్లు చెప్పారు. 5 నుంచి 15 శాతం వరకు ఇపిఎఫ్‌ఒ పెట్టుబడులకు కేంద్ర ఆర్థిక మంత్రిత్వ శాఖ నుంచి అనుమతి ఉందన్న ఆయన మార్కెట్ పరిస్థితులపై ఆధారపడే మరిన్ని పెట్టుబడులపై తమ నిర్ణయాలుంటాయని స్పష్టం చేశారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.