బిజినెస్
యుబిఎల్ లాభం రూ. 147 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 13: లిక్కర్ తయారీ సంస్థ యునైటెడ్ బ్రూవరీస్ లిమిటెడ్ (యుబిఎల్) స్టాండలోన్ నికర లాభం ఈ ఆర్థిక సంవత్సరం (2016-17) తొలి త్రైమాసికం (ఏప్రిల్-జూన్)లో గతంతో పోల్చితే 20.40 శాతం పెరిగి 147.06 కోట్ల రూపాయలుగా నమోదైంది. గత ఆర్థిక సంవత్సరం (2015-16) ఏప్రిల్-జూన్‌లో లాభం 122.14 కోట్ల రూపాయలుగా ఉంది. ఈ మేరకు శనివారం బాంబే స్టాక్ ఎక్స్‌చేంజ్‌కు సంస్థ తెలియజేసింది. ఇక ఆదాయం విషయానికొస్తే 8.59 శాతం వృద్ధితో ఈసారి 1,485.67 కోట్ల రూపాయలుగా, పోయినసారి 1,368.03 కోట్ల రూపాయలుగా ఉంది. కాగా, సంస్థాగత వ్యయం నిరుడుతో పోల్చితే 5.79 శాతం పెరిగింది. ఈ ఏప్రిల్-జూన్‌లో 1,335.97 కోట్ల రూపాయలుగా, గత ఏప్రిల్-జూన్‌లో 1,262.79 కోట్ల రూపాయలుగా ఉంది.
మాల్యాకు యుబిఎల్ ఝలక్
మరోవైపు యుబిఎల్ తమ చైర్మన్ విజయ్ మాల్యాకు ఝలక్ ఇచ్చింది. పీకల్లోతు అప్పుల్లో కూరుకుపోయిన కింగ్‌ఫిషర్ ఎయిర్‌లైన్స్‌కు సంబంధించి నడుస్తున్న పన్ను కేసు నేపథ్యంలో మాల్యాకు ఎలాంటి చెల్లింపులు జరపరాదన్న పన్ను శాఖ అధికారుల ఆదేశంతో 1.64 కోట్ల రూపాయల చెల్లింపులను యుబిఎల్ నిలిపివేసింది. మాల్యా పేరును యుబిఎల్ ప్రస్తావించనప్పటికీ, ఆదాయ పన్ను కమిషనర్ (టిడిఎస్) నుంచి ఈ ఏడాది జూన్ 28న వచ్చిన ఆదేశం ప్రకారం ఓ డైరెక్టర్ వేతనాన్ని, అలవెన్సులను, ఇతరత్రా పారితోషికాలను చెల్లించకుండా నిలిపివేశామని ప్రకటించింది. ఈ మొత్తం విలువ 1.64 కోట్ల రూపాయలుగా ఉంటుందని స్టాక్ ఎక్స్‌చేంజ్‌కు యుబిఎల్ తెలిపింది. అయితే దీనిపై స్పందించేందుకు సంస్థ ప్రతినిధి నిరాకరించారు.
మరోవైపు బెంగళూరులోని ఆదాయ పన్ను కమిషనర్ (అంతర్జాతీయ పన్నులు) నుంచి ఈ ఏడాది మార్చి 11న ఓ ఉత్తర్వును అందుకున్నట్లు యుబిఎల్ తెలిపింది. కింగ్‌ఫిషర్ ఎయిర్‌లైన్స్ ట్యాక్స్ డిమాండ్లకు సంబంధించినదే ఈ ఉత్తర్వు అని వివరించింది. మొత్తానికి యజమాని మాల్యాకు యుబిఎల్ భలే షాకిచ్చింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.