బిజినెస్
రూ. 655 తగ్గిన కిలో వెండి ధర
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 26: వెండి ధరలు భారీగా పడిపోయాయి. శుక్రవారం బులియన్ ట్రేడింగ్‌లో కిలో ధర 650 రూపాయలకుపైగా పతనమైంది. బంగారం ధర కూడా దిగజారింది. రెండు రోజులపాటు ధరలు పెరిగిన నేపథ్యంలో అంతర్జాతీయ బలహీన సంకేతాల మధ్య ధరలు క్షీణించాయి. ఈ క్రమంలోనే క్రితం ముగింపుతో పోల్చితే కిలో వెండి ధర 655 రూపాయలు దిగి 44,420 రూపాయల వద్దకు వచ్చింది. పారిశ్రామిక రంగం ముఖ్యంగా నాణేల తయారీదారుల నుంచి ఆశించిన స్థాయిలో డిమాండ్ లేకపోయింది. బంగారం ధర కూడా 10 గ్రాములు 99.9 స్వచ్ఛత కలిగినది 100 రూపాయలు కోల్పోయి 31,150 రూపాయల వద్ద స్థిరపడింది. 99.5 స్వచ్ఛత కలిగినది 31,000 రూపాయలు పలికింది. జ్యుయెలర్లు, రిటైలర్ల నుంచి కొనుగోళ్లు మందగించడం కూడా ధరల తగ్గుదలకు కారణమని బులియన్ వర్గాలు చెబుతున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.