బిజినెస్
వచ్చే నెల తొలి వారంలో ఆర్‌కామ్-ఎయిర్‌సెల్ విలీన ఒప్పందం?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 26: టెలికామ్ సంస్థలు రిలయన్స్ కమ్యూనికేషన్స్ (ఆర్‌కామ్), ఎయిర్‌సెల్.. వచ్చే నెల తొలి వారంలో విలీన ఒప్పందంపై సంతకాలు చేసే అవకాశాలున్నాయి. ‘ఇరు సంస్థల మధ్య టర్మ్ షీట్ తుది రూపుకొచ్చింది. మరో వారం లేదా 10 రోజుల్లో విలీన ఒప్పందం జరుగుతుంది.’ అని టెలికామ్ ఇండస్ట్రీ వర్గాలు చెబుతున్నాయి. కాగా, రిలయన్స్ కమ్యూనికేషన్స్, ఎయిర్‌సెల్ మధ్య చర్చలు విజయవంతమైతే దేశంలోనే మూడో అతిపెద్ద టెలికామ్ సంస్థకు పునాది పడనుంది. 196 మిలియన్లకుపైగా వినియోగదారులు ఈ సంస్థ సొంతం. విలీన ప్రక్రియ పూర్తి కావాలంటే నాలుగు నుంచి ఆరు నెలలు పడుతుంది. అలాగే విలీనం అనంతరం ఏర్పడే సంస్థకు 2జి, 3జి, 4జి సేవలకు అవసరమైన 800, 900, 1,800, 2,100, 2,300 మెగాహెట్జ్ స్పెక్ట్రమ్‌లలో తరంగాల లైసెన్సులు ఉండనున్నాయి. మరోవైపు ఎయిర్‌సెల్ విలీనంతో ఏర్పడబోయే సంస్థలో సిస్టెమా (ఎమ్‌టిఎస్)కు కూడా 10 శాతం వాటా ఉండనుంది. కాగా, గత ఆర్థిక సంవత్సరం (2015-16) ముగింపు నాటికి రిలయన్స్ కమ్యూనికేషన్స్ రుణ భారం 41,362.1 కోట్ల రూపాయలుగా ఉంది. ఆదాయం సుమారు 22,000 కోట్ల రూపాయలుగా ఉంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.