బిజినెస్
జిఎస్‌టి 18 శాతం దాటొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 30: వస్తు, సేవల పన్ను (జిఎస్‌టి) గరిష్ఠంగా 18 శాతంగా ఉండాలని, అంతకు మించరాదని, ఈ-కామర్స్ సంస్థలకు జిఎస్‌టి నుంచి మినహాయింపునివ్వాలని భారతీయ పారిశ్రామిక రంగం డిమాండ్ చేస్తోంది. రాష్ట్రాల ఆర్థిక మంత్రులు జిఎస్‌టి రేటుపై సంప్రదింపులు మొదలు కావడంతో ఫిక్కీ, అసోచామ్, సిఐఐ వంటి పారిశ్రామిక సంఘాలు తమకున్న అభ్యంతరాలను తెలియజేస్తున్నాయి. వచ్చే ఏడాది ఏప్రిల్ 1 నుంచి జిఎస్‌టిని అమల్లోకి తేవడంపైనా ఆందోళన వ్యక్తం చేస్తున్నాయి. ముఖ్యంగా ఐటి ఇన్‌ఫ్రాస్ట్రక్చర్‌ను ఓ కొలిక్కి తీసుకురావడానికి ఈ సమయం సరిపోదని, మరింత సమయం కావాలని కోరుతున్నాయి.
పశ్చిమ బెంగాల్ ఆర్థిక మంత్రి అమిత్ మిత్రా నేతృత్వంలోని రాష్ట్రాల ఆర్థిక మంత్రుల సాధికారిక కమిటీ పారిశ్రామిక సంఘాలు, వాణిజ్య, వ్యాపార సంస్థలు, చార్టెడ్ అకౌంటెంట్లతో జిఎస్‌టిపై చర్చిస్తోంది. ఈ క్రమంలోనే పారిశ్రామిక సంఘాలు పైవిధంగా స్పందించాయి.
సుదీర్ఘకాలం అనంతరం చారిత్రాత్మక జిఎస్‌టి బిల్లుకు పార్లమెంట్‌లోని ఉభయ సభలైన రాజ్యసభ, లోక్‌సభ ఏకగ్రీవంగా ఆమోదం తెలిపినది తెలిసిందే.
1 నుంచి పసిడి బాండ్ల వేలం
న్యూఢిల్లీ, ఆగస్టు 30: ఐదో విడత పసిడి బాండ్ల వేలం వచ్చే నెల 1 (గురువారం) నుంచి మొదలవనుంది. తొమ్మిది రోజులపాటు ఈ వేలం కొనసాగుతుంది. బంగారం కొనుగోళ్లను తగ్గించడమే లక్ష్యంగా మదుపరులను ఆకట్టుకోవడానికి ఈ పసిడి బాండ్ల వేలాన్ని కేంద్ర ప్రభుత్వం నిర్వహిస్తున్నది తెలిసిందే. సెప్టెంబర్ 1 నుంచి 9 వరకు దరఖాస్తులను స్వీకరిస్తామని, 23న బాండ్లను జారీ చేస్తామని కేంద్ర ఆర్థిక మంత్రిత్వ శాఖ ఓ ప్రకటనలో తెలియజేసింది. బ్యాంకులతోపాటు బిఎస్‌ఇ, ఎన్‌ఎస్‌ఇ, స్టాక్ హోల్డింగ్ కార్పొరేషన్ ఆఫ్ ఇండియా లిమిటెడ్ ద్వారా బాండ్ల అమ్మకం జరుగుతుంది.
ఎస్‌బిఐ మ్యూచువల్ ఫండ్ ఎండిగా అనూరాధా రావు
న్యూఢిల్లీ, ఆగస్టు 30: ప్రభుత్వరంగ బ్యాంకింగ్ దిగ్గజం ఎస్‌బిఐ అనుబంధ సంస్థ ఎస్‌బిఐ మ్యూచువల్ ఫండ్ మేనేజింగ్ డైరెక్టర్, ముఖ్య కార్యనిర్వహణ అధికారి (సిఇఒ)గా అనూరాధా రావు నియమితులయ్యారు. ఈ మేరకు మంగళవారం ఆ సంస్థ తెలిపింది. ఈ నెల 25 నుంచి ఈ నియామకం అమల్లోకి వచ్చినట్లు ఓ ప్రకటనలో స్పష్టం చేసింది. ఇంతకుముందు ఎస్‌బిఐ డిప్యూటీ మేనేజింగ్ డైరెక్టర్‌గా అనూరాధా రావు పనిచేశారు. ఎస్‌బిఐ పర్సనల్ బ్యాంకింగ్ చీఫ్ జనరల్ మేనేజర్‌గా కూడా ఆమె సేవలందించారు. బ్యాంకింగ్, అనుబంధ రంగాల్లో 30 ఏళ్లకుపైగా విశేష అనుభవం అనూరాధాకుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.