బిజినెస్
త్వరలో మార్కెట్లోకి 3 ఐపిఓలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 11: దేశీయ మార్కెట్లు జోరుమీదున్న నేపథ్యంలో సెప్టెంబర్‌లో ఏకంగా మూడు కంపెనీలు సుమారు 7 వేల కోట్ల రూపాయలు సేకరించడం కోసం ఐపిఓలతో మార్కెట్లోకి రానున్నాయి. ఐసిఐసిఐ ప్రుడెన్షియల్ లైఫ్ ఇన్సూరెన్స్ కంపెనీ, ఎల్‌అండ్‌టి టెక్నాలజీ సర్వీసెస్, జిఎన్‌ఏ యాక్సిల్స్ సంస్థలు ఈ ప్రాథమిక పబ్లిక్ ఇష్యూలతో రానున్నాయి. ఎల్‌అండ్‌టి టెక్నాలజీ సర్వీసెస్ షేర్ల కోసం బిడ్డింగ్ ప్రక్రియ సోమవారం ప్రారంభం కానుండగా, జిఎన్‌ఏ యాక్సిల్స్ షేర్లకు దరఖాస్తు ప్రక్రియ ఈ నెల 14న ప్రారంభమవుతుంది. ఐసిఐసిఐ ప్రుడెన్షియల్ లైఫ్‌ఇన్సూరెన్స్ పబ్లిక్ ఇష్యూ 19న మొదలవుతుంది. ఐసిఐసిఐ ఐపిఓ ద్వారా రూ 6,057 కోట్లు సమీకరించనుండగా, ఎల్‌అండ్‌టి టెక్నాలజీ రూ 894 కోట్లు, జిఎన్‌ఏ యాక్సిల్స్ రూ. 130 కోట్లు సమీకరించనున్నాయి. ఐపిఓల ద్వారా జారీ అయ్యే ఈ కంపెనీల షేర్లు బిఎస్‌ఇ, ఎన్‌ఎస్‌ఇ రెండింటలోను లిస్టింగ్ అవుతాయి.
ఈ ఏడాది ప్రారంభంనుంచి ఇప్పటివరకు మొత్తం 17 కంపెనీలు ఐపిఓలతో మార్కెట్లోకి రాగా ఈ కంపెనీల షేర్లు మార్కెట్లలో లిస్టింగ్ అయ్యాయి కూడా.ఐసిఐసిఐ ప్రుడెన్షియల్ లైఫ్ ఇన్సూరెన్స్ ఐపిఓ ద్వారా 18,13, 41,058 ఈక్విటీ షేర్లను విక్రయించనుంది. దేశంలో ఒక బీమా కంపెనీ పబ్లిక్ ఇష్యూకు వెళ్లడం ఇదే మొదటిసారి. అంతేకాదు కోల్ ఇండియా తర్వాత ఇదే అతి పెద్ద ఐపిఓ కావడం గమనార్హం. కంపెనీ తన షేరు ధర రూ 300- 334ల మధ్య ఉంటుందని పేర్కొంది. ఎల్‌అండ్‌టి టెక్నాలజీ సర్వీసెస్ 1,04,00,000 షేర్లను విక్రయించనుండగా, దీని షేరు ధర 850-860 రూపాయల మధ్య ఉంటుందని కంపెనీ తెలిపింది. కాగా, 63 లక్షల షేర్లను జారీ చేయనున్న జిఎన్‌ఏ యాక్సిల్స షేరు ధర 205-207 రూపాయల మధ్య ఉంటుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.