బిజినెస్
ప్రభుత్వరంగ బ్యాంకుల నష్టం రూ. 18 వేల కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 2: ప్రభుత్వరంగ బ్యాంకుల నష్టాలు గత ఆర్థిక సంవత్సరం (2015-16) 17,993 కోట్ల రూపాయలుగా ఉన్నాయని శుక్రవారం విడుదలైన ప్రభుత్వ గణాంకాలు చెబుతున్నాయి. కేంద్ర ఆర్థిక శాఖ సహాయ మంత్రి సంతోష్ గంగ్వార్ లోక్‌సభలో లిఖితపూర్వక సమాధానంగా సమర్పించిన వివరాల ప్రకారం 2015-16లో 28 ప్రభుత్వరంగ బ్యాంకులు 17,993 కోట్ల రూపాయల నష్టాన్ని చవిచూశాయి. ఇందులో 14 బ్యాంకులు నష్టాలను నమోదు చేయగా, మిగతా 14 బ్యాంకుల లాభాలు తగ్గుముఖం పట్టాయి. బ్యాంక్ ఆఫ్ ఇండియా నష్టం అత్యధికంగా 6,089 కోట్ల రూపాయలుగా ఉంటే, ఆ తర్వాత బ్యాంక్ ఆఫ్ బరోడా 5,396 కోట్ల రూపాయలు, పంజాబ్ నేషనల్ బ్యాంక్ 3,974 కోట్ల రూపాయలు, ఐడిబిఐ బ్యాంక్ 3,665 కోట్ల రూపాయలు, ఓరియంటల్ బ్యాంక్ ఆఫ్ కామర్స్ 2,897 కోట్ల రూపాయలు, యూకో బ్యాంక్ 2,799 కోట్ల రూపాయలు, సిండికేట్ బ్యాంక్ 1,643 కోట్ల రూపాయలు, సెంట్రల్ బ్యాంక్ ఆఫ్ ఇండియా నష్టం 1,418 కోట్ల రూపాయలుగా ఉన్నాయి. లాభాలు తగ్గిన బ్యాంకుల్లో ఎస్‌బిఐ 9,951 కోట్ల రూపాయలతో ముందుంది. ఆ తర్వాత ఎస్‌బిహెచ్ (రూ. 1,065 కోట్లు), ఎస్‌బిబిజె (రూ. 851 కోట్లు), ఆంధ్రా బ్యాంక్ (రూ. 540 కోట్లు) ఉన్నాయి. దీనంతటికీ కారణం మొండి బకాయిలేనన్నది తెలిసిందే. ఇకపోతే 2015-16లో 19 బ్యాంకులకు 25,000 కోట్ల రూపాయల నిధులను అందించామని, ఈ ఆర్థిక సంవత్సరం (2016-17) మరో 25,000 కోట్ల రూపాయలను ఇస్తున్నామని మంత్రి తెలిపారు. ఇప్పటికే 13 బ్యాంకులకు 22,915 కోట్ల రూపాయల నిధులను ఇచ్చామని పేర్కొన్నారు. వచ్చే రెండు ఆర్థిక సంవత్సరాలు కలిపి మరో 20,000 కోట్ల రూపాయలను ఇస్తామని స్పష్టం చేశారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.