బిజినెస్
ఆసియాలోని ప్రభావశీలమహిళల్లో నీతా అంబానీకి అగ్రస్థానం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 7: ఆసియాలో ఈ ఏడాది అత్యంత ప్రభావశీరురైన 50 మహిళా పారిశ్రామికవేత్తలతో ప్రముఖ పత్రిక ‘్ఫర్బ్స్’ తాజాగా విడుదల చేసిన జాబితాలో రిలయన్స్ ఇండస్ట్రీస్ డైరెక్టర్ నీతా అంబానీ, స్టేట్ బ్యాంక్ ఆఫ్ ఇండియా (ఎస్‌బిఐ) చైర్మన్ అరుంధతీ భట్టాచార్య తొలి రెండు స్థానాలను కైవసం చేసుకున్నారు. ఈ జాబితాలో నీతా అంబానీ, అరుంధతీ భట్టాచార్య సహా భారత్‌కు చెందిన ఎనిమిది మంది మహిళా పారిశ్రామికవేత్తలకు చోటు లభించింది. వీరిలో బ్యాంకింగ్, బయోటెక్, డేటా ఎనలిటిక్స్, టెక్స్‌టైల్స్, ఫార్మా, వెల్‌నెస్ అండ్ బ్యూటీ తదితర రంగాలకు చెందిన వారు ఉన్నారు. ఎంతో మంది శ్రీమంతుల భార్యలు తమ భర్తల నీడనే ముందుకు సాగుతున్న భారత్ లాంటి దేశంలో నీతా అంబానీ పారిశ్రామికవేత్తగా ఎదిగి ‘రిలయన్స్ ఇండస్ట్రీస్ సామ్రా జ్యం’లో ప్రముఖ స్థానానికి చేరుకోవడం సాధారణమైన విషయమేమీ కాదని, అందుకే ఆమె ఈ ఏడాది ఆసియాలోని అత్యంత ప్రభావశీరురైన మహిళా పారిశ్రామికవేత్తల జాబితాలో అగ్రస్థానాన్ని కైవసం చేసుకోగలిగారని ‘్ఫర్బ్స్’ స్పష్టం చేసింది. మన దేశంలో ‘్ఫర్బ్స్’ పత్రికను ముద్రించేందుకు రిలయన్స్ ఇండస్ట్రీస్ సంస్థే లైసెన్సును పొంది ఉండటం గమనార్హం. రిలయన్స్ ఇండస్ట్రీస్ గ్రూపులో నీతా అంబానీ నాన్-ఎగ్జిక్యూటివ్ డైరెక్టర్‌గా కొనసాగుతున్నప్పటికీ భర్త ముఖేష్ అంబానీ చైర్మన్, మేనేజింగ్ డైరెక్టర్‌గా వ్యవహరిస్తుడంతో ఆ గ్రూపు సంస్థల కార్యకలాపాల్లో ఆమె చెప్పుకోదగ్గ పాత్ర పోషించడం లేదు. అయినప్పటికీ ఆ గ్రూపు సంస్థల్లోని ముఖ్యులందరూ నీతా అంబానీని ‘వదిన’గా సంబోధించడమే కాకుండా ముఖేష్ అంబానీతో సరిసమానంగా ఆమెనూ గౌరవిస్తున్నారన్నది బహిరంగ రహస్యమే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.