బిజినెస్
బిఎస్‌ఇ ఐపిఒ ధరల శ్రేణి రూ. 805-806
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 16: బాంబే స్టాక్ ఎక్స్‌చేంజ్ (బిఎస్‌ఇ) ఇనీషియల్ పబ్లిక్ ఆఫర్ (ఐపిఒ)లో ఒక్కో షేర్ ధరను 805-806 రూపాయలుగా నిర్ణయించారు. 1,243 కోట్ల రూపాయల నిధుల సమీకరణే లక్ష్యంగా ఈ పబ్లిక్ ఇష్యూకు బిఎస్‌ఇ దిగుతోంది. మూడు రోజులపాటు జరగనున్న ఈ ఐపిఒ.. ఈ నెల 23న ప్రారంభమై, 25న ముగుస్తుంది. ఈ ఏడాది పబ్లిక్ ఇష్యూల్లో బిఎస్‌ఇదే మొదటిది. 15.43 మిలియన్ షేర్లను బిఎస్‌ఇ ఈ సందర్భంగా విక్రయించనుంది. ఈ షేర్లన్నీ గరిష్ఠ స్థాయిలో అమ్ముడైతే 1,243 కోట్ల రూపాయల నిధులు అందుతాయని అంచనా. నేషనల్ స్టాక్ ఎక్స్‌చేంజ్ (ఎన్‌ఎస్‌ఇ)లోనే బిఎస్‌ఇ షేర్లు లిస్టవుతాయి. మార్కెట్ రెగ్యులేటర్ సెబీ నిబంధనల ప్రకారం సొంత ఎక్స్‌చేంజ్‌లో షేర్ల లిస్టింగ్ లేదు. ఇక బిఎస్‌ఇకి ఇటీవలే పబ్లిక్ ఇష్యూకు సంబంధించి సెబీ అనుమతినిచ్చిన నేపథ్యంలో ఎన్‌ఎస్‌ఇ కూడా సెబీకి ఐపిఒ పత్రాలను సమర్పించింది. 10,000 కోట్ల రూపాయల నిధుల సమీకరణే లక్ష్యంగా ఈ ఐపిఒ రానుంది. ఇదిలావుంటే బిఎస్‌ఇలో భాగస్వాములుగా బజాజ్ హోల్డింగ్స్ ఇనె్వస్ట్‌మెంట్, కాల్డ్‌వెల్ ఇండియా హోల్డింగ్స్, అకేసియా బన్యన్ పార్ట్‌నర్స్, సింగపూర్ ఎక్స్‌చేంజ్, మారిషస్‌కు చెందిన అమెరికన్ ఇనె్వస్టర్ జార్జ్ సారోస్ క్వాంటమ్ ఫండ్, ఫారిన్ ఫండ్ అటికస్ ఉన్నాయి. ఈ పబ్లిక్ ఇష్యూను ఎడిల్‌వీస్ ఫైనాన్షియల్ సర్వీసెస్, యాక్సిస్ క్యాపిటల్, జెఫ్ఫెరీస్ ఇండియా, నొమురా ఫైనాన్షియల్ అడ్వైజరీ అండ్ సెక్యూరిటీస్ (ఇండియా) ప్రైవేట్ లిమిటెడ్, మోతీలాల్ ఓస్వాల్ ఇనె్వస్ట్‌మెంట్ అడ్వైజర్స్, ఎస్‌బిఐ క్యాపిటల్ మార్కెట్స్, ఎస్‌ఎమ్‌సి క్యాపిటల్స్ నిర్వహిస్తున్నాయి. దేశీయ స్టాక్ ఎక్స్‌చేంజ్‌లలో స్టాక్ మార్కెట్లలో లిస్టయినది ఇప్పటివరకు ఒక్క మల్టీ కమాడిటీ ఎక్స్‌చేంజ్ ఆఫ్ ఇండియానే. ఇప్పుడు బిఎస్‌ఇ కూడా దీని సరసన నిలువనుండగా, త్వరలో ఎన్‌ఎస్‌ఇకీ ఆ అవకాశం లభించనుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.