బిజినెస్
ఎస్‌బిఐలో 970 కిలోల బంగారాన్ని డిపాజిట్ చేసిన టిటిడి
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, ఫిబ్రవరి 25: శ్రీవారికి చెందిన 970.080 కిలోల బంగారాన్ని ప్రభుత్వరంగ బ్యాంకింగ్ దిగ్గజం ఎస్‌బిఐలో గోల్డ్‌మానిటైజేషన్ పథకం కింద శనివారం డిపాజిట్ చేశారు. టిటిడి ఈఓ డాక్టర్ డి సాంబశివరావు తన చాంబర్‌లో ఎస్‌బిఐ ఎండి రజనీ కుమార్‌కు ఇందుకు సంబంధించిన అంగీకార పత్రాలను అందజేశారు. వాస్తవానికి ఈ బంగారాన్ని ఎస్‌బిఐలో 2016 మార్చి మాసంలో టిటిడి డిపాజిట్ చేసింది. అయతే కాల పరిమితి పూర్తికావడంతో వడ్డీ రూపంలో వచ్చిన బంగారంతోసహా మొత్తం బంగారాన్ని తిరిగి డిపాజిట్ చేసింది. ఈసారి మూడేళ్ల కాలానికి స్వల్పకాలిక వడ్డీతో ఈ బంగారాన్ని డిపాజిట్ చేసుకోవడానికి ఎస్‌బిఐ ముందుకు వచ్చింది.
కాగా, ఇప్పటికే శ్రీవారి దర్శనార్థం తిరుమలకు వచ్చే భక్తులు కానుకల రూపంలో అందించిన మిక్స్‌డ్ కేటగిరి బంగారు నగలు, వస్తువులు కలసి దాదాపు 1,400 కిలోలను ప్రభుత్వరంగ బ్యాంకింగ్ సంస్థ ఇండియన్ ఓవర్సీస్ బ్యాంకులో 1.2 శాతం వడ్డీకి టిటిడి డిపాజిట్ చేసిన విషయం తెలిసిందే. దీనిని మూడు సంవత్సరాల కాల పరిమితితో గోల్డ్‌మానిటైజేషన్ పథకంలో భాగంగా డిపాజిట్ చేశారు. మరో ప్రభుత్వరంగ బ్యాంకింగ్ సంస్థ పంజాబ్ నేషనల్ బ్యాంక్‌లోనూ 1,311 కిలోల 0.995 స్వచ్ఛత కలిగిన బంగారు కడ్డీలను 1.75 శాతం వడ్డీతో టిటిడి డిపాజిట్ చేసింది. ఈ స్వచ్ఛత కేటగిరిలో పంజాబ్ నేషనల్ బ్యాంక్ చెల్లిస్తున్న అత్యధిక వడ్డీ ఇదే కావడం గమనార్హం. ప్రపంచంలోనే అత్యంత సంపన్న దేవాలయంగా టిటిడి వెలుగొందుతోంది. నిత్యం స్వామివారిని దర్శించుకునేం దుకు వచ్చే వేలాది భక్తులు.. కోట్ల రూపాయల విలువైన కానుకలను సమర్పి స్తారు. అలా నగదు, బంగారం రూపంలో వచ్చిన కానుకలన్నింటినీ బ్యాంకుల్లో టిటిడి డిపాజిట్ చేస్తోంది. దానిపై భారీగా వడ్డీని కూడా పొందుతోంది.
చిత్రం..బంగారాన్ని డిపాజిట్ చేస్తూ ఎస్‌బిఐ ఎండితో ఒప్పందం కుదుర్చుకుంటున్న టిటిడి ఈఓ సాంబశివరావు
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.