బిజినెస్
స్వల్పంగా పెరిగిన బజాజ్ అమ్మకాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 2: దేశీయ ద్విచక్ర, త్రిచక్ర వాహన తయారీదారు బజాజ్ ఆటో అమ్మకాలు గత నెల ఫిబ్రవరిలో స్వల్పంగా పెరిగాయి. 2,73,513 యూనిట్లుగా నమోదయ్యాయి. నిరుడు ఫిబ్రవరిలో 2,72,719 యూనిట్లుగా ఉన్నాయి. వీటిలో దేశీయ విక్రయాలు ఈ ఫిబ్రవరిలో 1,59,109 యూనిట్లుగా, పోయినసారి 1,73,760 యూనిట్లుగా ఉన్నాయి. ఈ మేరకు గురువారం బజాజ్ ఆటో తెలియజేసింది. కాగా, మొత్తం అమ్మకాల్లో మోటార్ సైకిల్ అమ్మకాలు గతంతో చూస్తే 4.11 శాతం పెరిగి 2,35,282 యూనిట్ల నుంచి 2,44,958 యూనిట్లకు చేరాయి. వాణిజ్య వాహనాల అమ్మకాలు మాత్రం 37,437 యూనిట్ల నుంచి 28,555 యూనిట్లకు పడిపోయాయి.
యమహా మోటార్
దేశీయ ద్విచక్ర వాహన తయారీదారు యమహా మోటార్ విక్రయాలు ఈ ఫిబ్రవరిలో గతంతో పోల్చితే 20 శాతం పెరిగి 68,095 యూనిట్లుగా నమోదయ్యాయి. నిరుడు ఫిబ్రవరిలో 56,960 యూనిట్లుగా ఉన్నాయని గురువారం ఓ ప్రకటనలో యమహా మోటార్ ఇండియా సేల్స్ ఉపాధ్యక్షుడు (సేల్స్ అండ్ మార్కెటింగ్) రాయ్ కురియన్ చెప్పారు. ఈ ఏడాది పది లక్షల యూనిట్ల అమ్మకాలు లక్ష్యంగా పెట్టుకున్నామన్నారు.
విఇ కమర్షియల్
విఇ కమర్షియల్ వాహనాల అమ్మకాలు ఫిబ్రవరిలో 5,499 యూనిట్లుగా నమోదయ్యాయి. నిరుడు ఫిబ్రవరిలో 5,032 యూనిట్లుగా ఉండగా, ఈసారి 9.3 శాతం పెరిగాయి. స్వీడన్‌కు చెందిన వొల్వో గ్రూప్, భారత్‌కు చెందిన ఐషర్ మోటార్ జాయింట్ వెంచరే విఇ కమర్షియల్. కాగా, దేశీయ మార్కెట్‌లో 4,828 యూనిట్ల విక్రయాలు జరిగాయని, నిరుడు 4,264 యూనిట్ల అమ్మకాలు అయ్యాయని గురువారం ఓ ప్రకటనలో సంస్థ తెలియజేసింది.
ఫోక్స్‌వాగన్
జర్మనీకి చెందిన ఆటో దిగ్గజం ఫోక్స్‌వాగన్ భారతీయ అమ్మకాలు గత నెల ఫిబ్రవరిలో 58 శాతం పెరిగి 3,965 యూనిట్లుగా నమోదయ్యాయి. నిరుడు ఫిబ్రవరిలో ఇవి 2,510 యూనిట్లుగా ఉన్నాయి. ఇటీవల విడుదలైన అమియో మోడల్ మార్కెట్‌లో కస్టమర్లను ఆకట్టుకుందని ఓ ప్రకటనలో గురువారం సంస్థ ప్యాసింజర్ కార్స్ విభాగం డైరెక్టర్ మిచెల్ మేయర్ తెలియజేశారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.