బిజినెస్
ఎల్‌అండ్‌టిలో కొత్త ఆర్డర్ల ఉత్సాహం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 28: ఇంజినీరింగ్, నిర్మాణ రంగ దిగ్గజం లార్సెన్ అండ్ టూబ్రో (ఎల్‌అండ్‌టి) ఏకీకృత నికర లాభం ఈ ఆర్థిక సంవత్సరం (2017-18) తొలి త్రైమాసికం (ఏప్రిల్-జూన్)లో గతంతో పోల్చితే 46 శాతం ఎగిసి 893 కోట్ల రూపాయలుగా నమోదైంది. గత ఆర్థిక సంవత్సరం (2016-17) ఏప్రిల్-జూన్‌లో ఇది 610 కోట్ల రూపాయలుగా ఉందని సంస్థ శుక్రవారం తెలియజేసింది. ఏకీకృత ఆదాయం ఈసారి 23,990 కోట్ల రూపాయలుగా ఉందని, పోయినసారి కంటే 10 శాతం ఎగిసిందని ఎల్‌అండ్‌టి వెల్లడించింది. కాగా, ఈ ఏప్రిల్-జూన్ త్రైమాసికంలో 26,352 కోట్ల రూపాయల విలువైన ఆర్డర్లు అందుకున్నామని చెప్పింది. ఇక వస్తు, సేవల పన్ను (జిఎస్‌టి), రెరా అమలు, దివాళా చట్టం తదితర నిర్మాణాత్మక సంస్కరణలతో దేశ జిడిపి వృద్ధిరేటు పెరగగలదన్న విశ్వాసాన్ని ఈ సందర్భంగా ఎల్‌అండ్‌టి వ్యక్తం చేసింది. ముఖ్యంగా నిర్మాణ రంగం పుంజుకోగలదన్న ఆశాభావం వెలిబుచ్చిన సంస్థ.. ఈ ఏప్రిల్-జూన్‌లో వౌలిక రంగంలో 10,539 కోట్ల రూపాయల కస్టమర్ రెవిన్యూను సాధించామని తెలిపింది. హైడ్రోకార్బన్ విభాగంలో 2,546 కోట్ల రూపాయలు, ఐటి, టెక్నాలజీ సేవల విభాగంలో 2,536 కోట్ల రూపాయలు, ఆర్థిక సేవల విభాగంలో 2,294 కోట్ల రూపాయల మేర ఆదాయాన్ని అందుకున్నట్లు తెలిపింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.