బిజినెస్
స్వల్ప లాభాలకే మార్కెట్లు పరిమితం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఆగస్టు 24: అంతర్జాతీయ మార్కెట్ల మిశ్రమ ఫలితాల నేపథ్యంలో దేశీయ స్టాక్ మార్కెట్లు గురువారం స్తబ్దుగా సాగాయి. అయితే దేశీయ మదుపరుల మద్దతుతో వరసగా మూడో రోజు కూడా స్వల్ప లాభాలతో ముగిశాయి. అంతర్జాతీయ కేంద్ర బ్యాంకర్ల సదస్సు నేపథ్యంలో మదుపరులు ఆచితూచి వ్యవహరించడం కూడా మార్కెట్ల స్తబ్దతకు కారణమైనాయి. ఫలితంగా 31,678- 31,546 పాయింట్ల మధ్య ఊగిసలాడిన బిఎస్‌ఇ సెనె్సక్స్ చివరికి 28 పాయింట్ల లాభంతో 31,596.06 పాయింట్ల వద్ద ముగిసింది. గత రెండు రోజుల్లో సెనె్సక్స్ 309 పాయింట్లకు పైగా లాభపడిన విషయం తెలిసిందే. నేషనల్ స్టాక్ ఎక్స్‌చేంజి సూచీ నిఫ్టీ సైతం 4.55 పాయింట్లు లాభపడి 9,857.05 పాయింట్ల వద్ద ముగిసింది. మొత్తంమీద ఈ వారంలో సెనె్సక్స్ 71.38 పాయింట్లు, నిఫ్టీ 19.65 పాయింట్లు లాభపడ్డాయి. వినాయక చవితి సందర్భంగా శుక్రవారం మార్కెట్లకు సెలవు. గత ఎనిమిది వారాల్లో సెనె్సక్స్, నిఫ్టీ సూచీలు లాభాల్లో ముగియడం ఇది ఏడో వారం. విదేశీ పోర్ట్ఫులియో ఇనె్వస్టర్లు (ఎఫ్‌పిఐ)లు అమ్మకాలకే మొగ్గు చూపినప్పటికీ డొమెస్టిక్ ఇనె్వస్టర్లు కొనుగోళ్ల కారణంగా మార్కెట్లు నిలదొక్కుకోగలిగాయి. బుధవారం కూడా ఎఫ్‌పిఐలు రూ.1157.52 కోట్ల విలువైన షేర్లను విక్రయించాయి.
కాగా నందన్ నీలేకని మళ్లీ ఇన్ఫోసిస్‌లోకి రానున్న వార్తల కారణంగా ఆ సంస్థ షేరు 2 శాతానికి పైగా లాభపడింది. డాక్టర్ రెడ్డీస్, లుపిన్, సన్‌ఫార్మా, లుపిన్ లాంటి హెల్త్‌కేర్ స్టాక్స్ కూడా బాగానే లాభపడ్డాయి. టాటామోటార్స్, టాటా స్టీల్, ఎస్‌బిఐ, ఎల్‌అండ్‌టి, పవర్‌గ్రిడ్ కూడా లాభపడిన వాటిలో ఉన్నాయి. కాగా, హైవేలపై లిక్కర్‌షాపులపై నిషేధం మున్సిపల్ ప్రాంతాలకు వర్తించదన్న సుప్రీంకోర్టు వివరణతో లిక్కర్ కంపెనీలకు చెందిన షేర్లు గణనీయంగా పెరిగాయి. యునైటెడ్ స్పిరిట్స్ షేరు 3.89 శాతం పెరిగింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.