బిజినెస్
జ్యుడీషియల్ కస్టడీకి 11మంది నిందితులు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మార్చి 17: పంజాబ్ నేషనల్ బ్యాంక్ (పీఎన్‌బీ)ను వందల కోట్లలో మోసగించిన కేసులో 11 మంది నిందితులను ఈ నెల 28వరకు జ్యుడీషియల్ కస్టడీకి అప్పగిస్తూ ఇక్కడి ప్రత్యేక సీబీఐ కోర్టు శనివారం ఆదేశాలు జారీ చేసింది. వజ్రాల వ్యాపారి నీరవ్ మోదీ, అతని మామ మెహుల్ చోక్సీ నియంత్రణలోని సంస్థలు పీఎన్‌బీ నుంచి ఆ బ్యాంకుకు చెందిన కొందరు అధికారులతో కుమ్మక్కయి, మోసపూరితంగా రూ. 13వేల కోట్లకు పైగా విలువయిన ఎల్‌ఓయూలు (లెటర్స్ ఆఫ్ అండర్‌స్టాండింగ్), ఎల్‌సీలు (లెటర్స్ ఆఫ్ క్రెడిట్) పొందారని కేంద్ర దర్యాప్తు సంస్థ (సీబీఐ) అభియోగాలు నమోదు చేసింది. ఈ కేసులో కీలక నిందితులు గోకుల్‌నాథ్ శెట్టి (పీఎన్‌బీ మాజీ డిప్యూటి జనరల్ మేనేజర్), మనోజ్ ఖారత్ (పీఎన్‌బీ సింగిల్ విండో ఆపరేటర్), హేమంత్ భట్ (మోదీ కంపెనీ ఆథరైజ్డ్ సిగ్నేటరి), బెచ్చు తివారి (పీఎన్‌బీ ఫోరెక్స్ డిపార్ట్‌మెంట్ అప్పటి చీఫ్ మేనేజర్)లను సీబీఐ శనివారం ఇక్కడి ప్రత్యేక సీబీఐ న్యాయమూర్తి ఎస్‌ఆర్ తంబోలి ఎదుట హాజరుపరిచింది. యశ్వంత్ జోషి (పీఎన్‌బీ ఫోరెక్స్ డిపార్ట్‌మెంట్‌లో స్కేల్ 2 మేనేజర్), ప్రఫుల్ సావంత్ (పీఎన్‌బీ ఎగుమతుల విభాగంలో స్కేల్ 1 అధికారి), మనీశ్ బోసామియా (మోదీకి చెందిన ఫైర్‌స్టార్ ఇంటర్నేషనల్ మాజీ మేనేజర్), మితేన్ పాండ్యా (ఫైర్‌స్టార్ అప్పటి ఫైనాన్షియల్ మేనేజర్), సంజయ్ రాంభియా (ఫైర్‌స్టార్ ఆడిటర్), అనియత్ శివరామన్ నాయర్ (గీతాంజలి గ్రూపునకు చెందిన సంస్థ గిలి ఇండియా అప్పటి డైరెక్టర్), విపుల్ చితాలియా (గీతాంజలి గ్రూపు బ్యాంకింగ్ ఆపరేషన్స్ వైస్ ప్రెసిడెంట్)లను కూడా శనివారం ప్రత్యేక సీబీఐ న్యాయమూర్తి ఎదుట హాజరుపరిచారు. ప్రత్యేక కోర్టు వీరందరినీ జ్యుడీషియల్ కస్టడీకి పంపించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.