బిజినెస్
మూడోరోజూ లాభాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూన్ 13: దేశీయ స్టాక్ మార్కెట్లు బుధవారం ఊగిసలాట మధ్య సాగిన లావాదేవీలలో స్వల్పంగా లాభపడ్డాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 47 పాయింట్లు పుంజుకొని, 35,739.16 పాయింట్ల వద్ద ముగియగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 14 పాయింట్లు పెరిగి, 10,856 పాయింట్ల వద్ద స్థిరపడింది. టెక్నాలజి, ఆరోగ్య సంరక్షణ సంస్థలకు చెందిన షేర్ల ధరలు పెరగడం కీలక సూచీలు స్వల్పంగా పుంజుకోవడానికి దోహదపడింది. తయారీ (మాన్యుఫాక్చరింగ్), మైనింగ్ రంగాలలో వేగవంతమయిన వృద్ధి కారణంగా దేశంలో ఏప్రిల్ నెలలో పారిశ్రామికోత్పత్తి సూచి (ఐఐపీ) 4.9 శాతం పెరిగినట్లు మంగళవారం సాయంత్రం మార్కెట్ పనివేళలు ముగిసిన తరువాత వెలువడిన అధికార గణాంకాలు సూచించడంతో బుధవారం ఉదయం సెషన్‌లో మార్కెట్‌లో కొనుగోళ్లు పుంజుకున్నాయి. అయితే, ఆహార ధాన్యాల ధరల పెరుగుదల కారణంగా మే నెలలో చిల్లర (రిటెయిల్) ద్రవ్యోల్బణం 4.87 శాతానికి పెరగడం మదుపరులలో ఆందోళనకు దారితీసింది. సెనె్సక్స్ బుధవారం ఉదయం పటిష్టమయిన స్థాయి వద్ద ప్రారంభమయి, దేశీయ సంస్థాగత మదుపరుల (డీఐఐల) నుంచి అందిన కొనుగోళ్ల మద్దతుతో ఇంట్రా-డేలో 35,877.41 పాయింట్ల గరిష్ఠ స్థాయిని తాకింది. అయితే, సెషన్ చివరలో మదుపరులు అమ్మకాలకు దిగడంతో అంతకు ముందు ఆర్జించిన లాభాలను చాలామట్టుకు కోల్పోయింది. చివరకు క్రితం ముగింపుతో పోలిస్తే 46.64 పాయింట్ల (0.13 శాతం) పైన, 35,739.16 పాయింట్ల వద్ద ముగిసింది. క్రితం రెండు రోజుల్లో కలిసి ఈ సూచీ 248.85 పాయింట్లు పుంజుకుంది. నిఫ్టీ బుధవారం క్రితం ముగింపుతో పోలిస్తే 13.85 పాయింట్ల (0.13 శాతం) ఎగువన 10,856.70 పాయింట్ల వద్ద ముగిసింది. అంతకు ముందు ఈ సూచీ 10,893.25- 10,842.65 పాయింట్ల మధ్య కదలాడింది. ఇదిలా ఉండగా, మంగళవారం నాటి లావాదేవీలలో డీఐఐలు నికరంగా రూ. 1,327.45 కోట్ల విలువయిన షేర్లను కొనుగోలు చేయగా, ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) రూ. 1,168.88 కోట్ల విలువయిన షేర్లను విక్రయించారు. ఆసియా మార్కెట్లలో బుధవారం మిశ్రమ ధోరణి కనిపించింది. మదుపరులు అమెరికా ఫెడరల్ రిజర్వ్ తీసుకునే విధాన నిర్ణయాల కోసం వేచిచూస్తున్న తరుణంలో యూరోపియన్ మార్కెట్లు తొలి లావాదేవీలలో లాభాలు ఆర్జించాయి.
సెనె్సక్స్ ప్యాక్‌లోని డాక్టర్ రెడ్డీస్ బుధవారం అత్యధికంగా 2.82 శాతం లాభపడింది. టీసీఎస్ తరువాత స్థానంలో నిలిచింది. లాభపడిన ఇతర సంస్థలలో సన్ ఫార్మా, ఎస్‌బీఐ, పవర్ గ్రిడ్, ఇన్ఫోసిస్, ఐసీఐసీఐ బ్యాంక్, విప్రో, రిల్, బజాజ్ ఆటో, యాక్సిస్ బ్యాంక్, హీరో మోటోకార్ప్, యెస్ బ్యాంక్, కోల్ ఇండియా ఉన్నాయి. నష్టపోయిన సంస్థలలో టాటా స్టీల్, అదాని పోర్ట్స్, హెచ్‌యూఎల్, భారతి ఎయిర్‌టెల్, ఓఎన్‌జీసీ, ఇండస్‌ఇండ్ బ్యాంక్, ఐటీసీ, హెచ్‌డీఎఫ్‌సీ లిమిటెడ్, ఎల్‌అండ్‌టీ, హెచ్‌డీఎఫ్‌సీ బ్యాంక్ ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.