బిజినెస్
కీలక వడ్డీ రేట్లు యథాతథం?
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 24: రిజర్వ్ బ్యాంక్ (ఆర్‌బీఐ) ఆగస్టులో జరిపే తన ద్రవ్య విధాన సమీక్షలో కీలక వడ్డీ రేట్లను యథాతథంగా కొనసాగిస్తుందని దేశంలో అతిపెద్ద బ్యాంకు అయిన స్టేట్ బ్యాంక్ ఆఫ్ ఇండియా (ఎస్‌బీఐ) ఆర్థిక పరిశోధనా విభాగం మంగళవారం అంచనా వేసింది. అయితే మెజారిటీ విశే్లషణా సంస్థలు వేసిన అంచనాకు ఇది భిన్నంగా ఉంది. ద్రవ్యోల్బణం పెరిగినందున ఆర్‌బీఐ ఆగస్టులో మరోసారి కీలక వడ్డీ రేట్లను పెంచుతుందని దేశీయ రేటింగ్స్ ఏజెన్సీ ఇక్రా సహా పలు సంస్థలు ఇప్పటికే అంచనా వేశాయి. ‘ఆగస్టులో జరిపే ద్రవ్య విధాన సమీక్షలో ఆర్‌బీఐ కీలక వడ్డీ రేట్లను పెంచడం కన్నా యథాతథంగా కొనసాగించడంవైపే మొగ్గు చూపుతుందని మేము విశ్వసిస్తున్నాం’ అని ఎస్‌బీఐ ఆర్థికవేత్తలు ఒక నోట్‌లో పేర్కొన్నారు. జూన్ నెలలో ద్రవ్యోల్బణం అయిదు శాతానికి పెరిగినప్పటికీ ద్రవ్యోల్బణం ప్రమాదాలు ఇంకా సమతుల్యంగానే ఉన్నాయని ఆ నోట్‌లో పేర్కొన్నారు. కేంద్ర ప్రభుత్వం వ్యవసాయ ఉత్పత్తుల కనీస మద్దతు ధరల (ఎంఎస్‌పీ)ను పెంచడం వల్ల కేవలం వినియోగ వస్తువుల ఆధారిత (సీపీఐ) ద్రవ్యోల్బణం మాత్రమే 0.73 శాతం వరకు పెరుగుతుందని ఎస్‌బీఐ ఆర్థికవేత్తలు అంచనా వేశారు. వ్యవసాయ ఉత్పత్తుల కనీస మద్దతు ధరలు పెరిగినప్పటికీ, అంతర్జాతీయ మార్కెట్‌లో ముడి చమురు ధరలు తగ్గడం వల్ల ఆర్థిక వ్యవస్థపై దాని ప్రభావం పెద్దగా ఉండబోదని వారు పేర్కొన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.