బిజినెస్
తగ్గిన ఎన్‌టీపీసీ నికర లాభం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 28: ప్రభుత్వ రంగ విద్యుత్ ఉత్పత్తి సంస్థ (ఎన్‌టీపీసీ) ఈ ఆర్థిక సంవత్సరం తొలి త్రైమాసిక నికర లాభం 1.14 శాతం తగ్గుదలతో రూ. 2,588.14 కోట్లు సాధించింది. తరుగుదల, రుణభారం, ఇంధన వ్యయం అధికం కావడం వల్ల నికర లాభం తగ్గిపోయింది. ఎన్‌టీపీసీ గత ఆర్థిక సంవత్సరం తొలి త్రైమాసికంలో రూ. 2,618.17 కోట్ల నికర లాభాన్ని ఆర్జించింది. నియంత్రణ సంస్థ బొంబాయి స్టాక్ ఎక్స్చేంజ్ (బీఎస్‌ఈ)కి సమర్పించిన పత్రాలలో ఎన్‌టీపీసీ ఈ వివరాలు వెల్లడించింది. అయితే, గత ఆర్థిక సంవత్సరం తొలి త్రైమాసికంతో పోలిస్తే ఈ సంవత్సరం జూన్ 30తో ముగిసిన త్రైమాసికంలో ఎన్‌టీపీసీ ఆదాయం 11 శాతం పెరుగుదలతో రూ. 22,839.98 కోట్లకు పెరిగింది. సంవత్సరం క్రితం తొలి త్రైమాసికంలో ఈ కంపెనీ రూ. 20,541.93 కోట్ల ఆదాయాన్ని ఆర్జించింది. అయితే, ఎన్‌టీపీసీ ఈ ఏడాది తొలి త్రైమాసికంలో (యంత్రాల) తరుగుదల వ్యయం ఖాతాలో రూ. 1,860.15 కోట్లు పేర్కొంది. గత ఆర్థిక సంవత్సరం తొలి త్రైమాసికంలో ఈ ఖాతా కింద వ్యయం రూ. 1,570 కోట్లు మాత్రమే ఉండింది. అదే విధంగా రుణభార వ్యయం గత సంవత్సరం తొలి త్రైమాసికంలో రూ. 895.60 కోట్లు ఉండగా, ఇప్పుడు రూ. 1,219.93 కోట్లకు పెరిగింది. ఇంధన వ్యయం కూడా గత ఏడాది మొదటి త్రైమాసికంలో రూ. 11,940.11 ఉండగా, ఇప్పుడు రూ. 13,118.74 కోట్లకు పెరిగింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.