బిజినెస్
రికార్డు పరుగుకు తెర
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఆగస్టు 29: దేశీయ స్టాక్ మార్కెట్లు బుధవారం బలహీనపడ్డాయి. రెండు రోజుల పాటు సరికొత్త ముగింపు రికార్డులను సృష్టించిన బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ బుధవారం 173 పాయింట్లు పడిపోయింది. ముఖ్యంగా కీలకమయిన ఇంధన స్టాక్‌లు రిలయన్స్ ఇండస్ట్రీస్, కోల్ ఇండియా నష్టపోవడం వల్ల ఈ కీలక సూచీ పడిపోయింది. సెనె్సక్స్ బుధవారం లావాదేవీలలో ఒక దశలో ఆల్ టైమ్ ఇంట్రా-డే హై 38,989.65 పాయింట్లను తాకింది. అయితే, ఇటీవలి ర్యాలీలో షేర్ల ధరలు పెరగడంతో మదుపరులు బుధవారం లాభాల స్వీకరణకు పూనుకున్నారు. దీంతో ఈ సూచీ ఇంట్రా-డేలో 38,679.57 పాయింట్ల కనిష్ట స్థాయిని తాకింది. చివరకు క్రితం ముగింపుతో పోలిస్తే 173.70 పాయింట్ల (0.45 శాతం) దిగువన 38,722.93 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ కూడా బుధవారం ఊగిసలాట మధ్య సాగిన లావాదేవీలలో క్రితం ముగింపుతో పోలిస్తే 46.60 పాయింట్ల (0.40 శాతం) దిగువన 11,691.90 పాయింట్ల వద్ద ముగిసింది. ఇంట్రా-డేలో ఈ సూచీ గరిష్ట స్థాయి 11,753.20 పాయింట్లు, కనిష్ట స్థాయి 11,678.85 పాయింట్ల మధ్య కదలాడింది. ఈ సూచీ క్రితం రెండు సెషన్లలో కలిసి 181.40 పాయింట్లు (1.54 శాతం) పుంజుకుంది. వరుసగా ఏడు సెషన్ల పాటు పెరిగిన రిలయన్స్ ఇండస్ట్రీస్ షేర్ ధర బుధవారం 1.8 శాతం పడిపోయింది. ఈ షేర్ల రోజువారీ లావాదేవీల పరిమాణం కూడా 1.5 రెట్లు పెరిగి, రూ. 5.71 లక్షలకు చేరుకుంది. ఈ షేర్ల రెండు వారాల సగటు రోజువారి లావాదేవీల పరిమాణం రూ. 3.78 లక్షలు. సెనె్సక్స్ ప్యాక్‌లోని సంస్థల్లో కోల్ ఇండియా అత్యధికంగా 2.58 శాతం నష్టపోయింది. దీంతో ఇండెక్స్ ప్రతికూల జోన్‌లోకి వెళ్లిపోయింది. ఇన్ఫోసిస్, హెచ్‌డీఎఫ్‌సీ బ్యాంక్, యెస్ బ్యాంక్, ఇండస్‌ఇండ్ బ్యాంక్ కూడా మదుపరుల లాభాల స్వీకరణ కారణంగా నష్టపోయాయి. డాలర్‌తో పోలిస్తే రూపాయి మారకం విలువ కూడా బుధవారం ఇంట్రా-డేలో సరికొత్త జీవనకాల కనిష్ట స్థాయి 70.57 మార్కుకు పడిపోయింది. రూపాయి బలహీనపడటం, ఆగస్టు నెల ఎఫ్‌అండ్‌ఓ కాలపరిమితి గురువారంతో ముగియనుండటం కూడా దేశీయ మార్కెట్లు బలహీనపడటానికి కారణమయ్యాయి. బుధవారం లావాదేవీలలో నష్టపోయిన సంస్థల్లో పవర్ గ్రిడ్, ఎన్‌టీపీసీ, ఆసియన్ పెయింట్స్, వేదాంత, హెచ్‌యూఎల్, యాక్సిస్ బ్యాంక్, మారుతి సుజుకి, అదాని పోర్ట్స్, భారతి ఎయిర్‌టెల్, ఎల్‌అండ్‌టీ, హెచ్‌డీఎఫ్‌సీ, సన్ ఫార్మా ఉన్నాయి. వీటి షేర్ల విలువ 1.58 శాతం వరకు పడిపోయింది. ఇందుకు భిన్నంగా ఓఎన్‌జీసీ షేర్ విలువ అత్యధికంగా 1.58 శాతం పెరిగింది. లాభపడిన ఇతర సంస్థల్లో టాటా స్టీల్, ఐసీఐసీఐ బ్యాంక్, టాటా మోటార్స్, ఐటీసీ లిమిటెడ్, విప్రో, ఎంఅండ్‌ఎం, కోటక్ బ్యాంక్, హీరో మోటోకార్ప్, బజాజ్ ఆటో ఉన్నాయి. రంగాలవారీగా చూస్తే, బీఎస్‌ఈ ఎనర్జీ ఇండెక్స్ అత్యధికంగా 1.13 శాతం పడిపోయింది. టెలికం ఇండెక్స్ 0.71 శాతం నష్టంతో రెండో స్థానంలో నిలిచింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.