బిజినెస్
రూ. 2.15 లక్షల కోట్లకు కొనేస్తోంది
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూలై 18: జపాన్‌కు చెందిన బహుళజాతి టెలీకమ్యూనికేషన్స్ సంస్థ సాఫ్ట్‌బ్యాంక్.. ఐఫోన్ చిప్ డిజైనర్ ఎఆర్‌ఎమ్ హోల్డింగ్స్‌ను కొనుగోలు చేస్తోంది. 32 బిలియన్ డాలర్ల (24.3 బిలియన్ పౌండ్లు లేదా 29 బిలియన్ యూరోలు)కు ఎఆర్‌ఎమ్‌ను కొనేందుకు సాఫ్ట్‌బ్యాంక్ ముందుకొచ్చింది. ఈ మొత్తం లావాదేవీ కూడా నగదు రూపంలోనే జరుగుతుండటం గమనార్హం. డాలర్‌తో పోల్చితే ప్రస్తుతం రూపాయి విలువ ప్రకారం ఈ డీల్ విలువ సుమారు 2,15,000 కోట్ల రూపాయలు. ఇక యూరోపియన్ యూనియన్ నుంచి బ్రిటన్ వైదొలిగిన (బ్రెగ్జిట్) తర్వాత బ్రిటన్‌కు వచ్చిన భారీ విదేశీ పెట్టుబడి కూడా ఇదే కావడం విశేషం. ‘ప్రపంచ ప్రఖ్యాతిగాంచిన, అత్యుత్తమ టెక్నాలజీ సంస్థగా ఎఆర్‌ఎమ్‌తో మాకు సుదీర్ఘ అనుబంధం ఉంది.’ అని సాఫ్ట్‌బ్యాంక్ చైర్మన్, చీఫ్ ఎగ్జిక్యూటివ్ మసయోషి సన్ తెలిపారు. ఈ డీల్ విలువ 32 బిలియన్ డాలర్లుగా పేర్కొన్నారు. ఈ కొనుగోలు బ్రిటన్‌కు, సాఫ్ట్‌బ్యాంక్‌కు ఉన్న బలమైన కమిట్‌మెంట్‌కు నిదర్శనంగా ఆయన అభివర్ణించారు. కాగా, బ్రెగ్జిట్ నేపథ్యంలో బ్రిటన్ ఆర్థిక వ్యవస్థపై నెలకొన్న భయాందోళనల మధ్య ఈ డీల్‌ను బ్రిటన్ నూతన ఆర్థిక మంత్రి ఫిలిప్ హమ్మండ్ కొనియాడారు.
‘ఈ 24 బిలియన్ పౌండ్ల పెట్టుబడి ఆసియా నుంచి బ్రిటన్‌కు వచ్చిన పెట్టుబడుల్లో అతిపెద్దది. అని హమ్మండ్ ఓ ప్రకటనలో అన్నారు. ఈ డీల్‌తో రాబోయే ఐదేళ్లకుపైగా కాలంలో బ్రిటన్‌లోని ఎఆర్‌ఎమ్‌లో ఉద్యోగుల సంఖ్య రెట్టింపు కాగలదన్న విశ్వాసాన్ని ఆయన వ్యక్తం చేశారు. అంతర్జాతీయ స్థాయిలో అతిపెద్ద బ్రిటన్ సంస్థగా ఇది అవతరిస్తుందన్న ఆశాభావాన్ని వెలిబుచ్చారు. ‘బ్రెగ్జిట్ నేపథ్యంలో బ్రిటన్ ఆర్థిక వ్యవస్థ గురించి సర్వత్రా భయాందోళనలు వ్యక్తమయ్యాయి. కానీ బ్రిటన్‌కున్న అంతర్జాతీయ మదుపరులు ఎక్కడికీ వెళ్లలేదు. రెఫరెండం నిర్ణయం తర్వాత కేవలం మూడు వారాల్లోనే ఇది తేటతెల్లమైంది. వ్యాపారానికి బ్రిటన్ ఎప్పుడూ తలుపులను తెరిచే ఉంచుతుంది. విదేశీ పెట్టుబడులకు అధిక ప్రాధాన్యమిస్తూనే ఉంటుంది.’ అని హమ్మండ్ అన్నారు. మరోవైపు బ్రెగ్జిట్ కారణంగా డాలర్‌తో పోల్చితే పౌండ్ విలువ పడిపోవడంతో బ్రిటన్ సంస్థలు విదేశీ మదుపరులను ఆకట్టుకుంటున్నాయని నిపుణులు విశే్లషిస్తున్నారు. త్వరలోనే మరిన్ని విదేశీ సంస్థలు బ్రిటన్ సంస్థలను టేకోవర్ చేయవచ్చని ఇటిఎక్స్ క్యాపిటల్ ట్రేడింగ్ గ్రూప్‌లోని విశే్లషకుడు నెయిల్ విల్సన్ అన్నారు. ఇప్పటికే గత వారం బ్రిటీష్ డిస్కౌంటర్ పౌండ్లాండ్‌ను దాదాపు 597 మిలియన్ పౌండ్లకు టేకోవర్ చేసేందుకు దక్షిణాఫ్రికాకు చెందిన జనరల్ రిటైల్ గ్రూప్ స్టెయిన్‌హాఫ్ ఇంటర్నేషనల్ ముందుకొచ్చిందన్నారు. ఇదిలావుంటే ఒక్కో ఎఆర్‌ఎమ్ షేర్‌కు 17 పౌండ్లను ఇచ్చేందుకు సాఫ్ట్‌బ్యాంక్ అంగీకరించింది. తాజా డీల్ నేపథ్యంలో సోమవారం ఉదయం ట్రేడింగ్‌లో ఎఆర్‌ఎమ్ షేర్ విలువ 45 శాతం వరకు దూసుకెళ్లింది.
చిత్రం.. సాఫ్ట్‌బ్యాంక్ చైర్మన్, చీఫ్ ఎగ్జిక్యూటివ్ మసయోషి సన్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.