బిజినెస్
ఆర్‌బీఐ గవర్నర్‌గా శక్తికాంత దాస్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: రిటైర్డ్ ఐఏఎస్ అధికారి, ఆర్థికవేత్త శక్తికాంతదాస్ రిజర్వు బ్యాంక్ గవర్నర్‌గా నియమితులయ్యారు. ఈ మేరకు కేంద్రం నోటిఫికేషన్ జారీ చేసింది. ఆర్‌బీఐ గవర్నర్ పదవికి ఉర్జిత్ పటేల్ సోమవారం రాజీనామా చేసిన విషయం విదితమే. దీంతో శక్తికాంతదాస్‌ను ఆర్‌బీఐ గవర్నర్‌గా కేంద్రం నియమించింది. ఈ పదవిలో ఆయన మూడేళ్లుంటారు. ప్రధాన మంత్రి నరేంద్ర మోదీ అధ్యక్షతన ఉన్న అపాయింట్స్‌మెంట్స్ కమిటీ శక్తికాంత దాస్ పేరును ఆర్‌బీఐ గవర్నర్‌గా నియమాకానికి ఖరారు చేసింది. కేంద్ర ప్రభుత్వంలో వివిధ సర్వీసుల్లో అపారమైన అనుభవం గడించిన శక్తికాంత దాస్ ఆర్థిక వ్యవహారాల్లో దిట్ట అని కేంద్ర ఆర్థిక శాఖ కార్యదర్శి ఏఎన్ ఝా చెప్పారు. 1980 బ్యాచి తమిళనాడు క్యాడర్‌కు చెందిన ఆయన 2017 మే నెలలో కేంద్ర ఆర్థిక వ్యవహారాల శాఖ కార్యదర్శిగా పదవీ విరమణ చేశారు. పెద్దనోట్ల రద్దు వ్యవహారాలను ఆయన పర్యవేక్షించారు. ప్రస్తుతం 15వ ఆర్థిక కమిషన్ సభ్యుడుగా ఉన్నారు. ఢిల్లీలోని సెయింట్ స్టీఫెన్స్ కాలేజీలో బీఏలో డిగ్రీ పొందిన ఆయన సివిల్ సర్వీసు పరీక్షల్లో ఎంపికయ్యారు. 2014లో బీజేపీ ప్రభుత్వం అధికారంలోకి వచ్చిన తర్వాత శక్తికాంత దాస్‌కు కేంద్ర రెవెన్యూ సర్వీసుల్లో కీలక బాధ్యతలు అప్పగించారు. అనంతరం కేంద్ర ప్రభుత్వం తరఫున ఆర్‌బీఐ ద్రవ్యపరపతి విధానాన్ని కొంతకాలం సమీక్షించారు. గతంలో ఆర్‌బీఐ గవర్నర్‌గా పనిచేసిన డీ సుబ్బారావు కూడా ఐఏఎస్ అధికారిగా పనిచేసిన విషయం విదితమే. ఆర్‌బీఐ గవర్నర్లుగా ఐఏఎస్‌లను నియమించడం కొత్తకాదు.
చిత్రం..ఆర్‌బీఐ గవర్నర్ శక్తికాంత దాస్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.